“ყველა ტენდეციურია – კონგრესიდან ზოვრეთის ქუჩამდე”

ტელეკომპანია პირველის მფლობელი ვატო წერეთელი, სოციალური ქსელით, გამოეხმაურა ფაქტს, რომ ოხანაშვილმა TV პირველის ეთერში წამყვანს, თამარ ჩიხლაძეს უპასუხისმგებლო ჟურნალისტი და ამორალური ადამიანი უწოდა.

“დღეს უმრავლესობის დეპუტატს, ოხანაშვილს, დიანას ეთერში უჩვეულო არაფერი გაუკეთებია. ამას უკვე შევეჩვიეთ. დიდი ხანია, ვეღარ მალავთ ზრახვებს:

• კრიტიკულ შეკითხვას უსვამ – ტენდენციური ხარ

• მათთვის არასასურველ სტუმარს მოიყვან- ტენდენციური ხარ

• დებატებში დიდი ხანია, აღარ დადიან

• რამეს გამოიკვლევ – ტენდენციური ხარ

• თუ ამ ყველაფერს აკეთებ – უზნეო ყოფილხარ

• ყველა ტენდენციურია – ოკეანის იქით და ოკეანის აქეთ – კონგრესიდან ზოვრეთის ქუჩამდე.

• ობიექტურობა სიჩუმე და ქება ყოფილა თურმე.

ტელევიზიის გადაყლაპვა გინდოდათ, ვერ გადაყლაპეთ და ყელში გაგეჩხირათ. ყველაფერს გავუძელით და ეს ყოველდღიური თავდასხმა შეგვაშინებს ?!”