მერი როცა ვიყავი, მეც ვფიქრობდი, რომ კარვები ქალაქს ამახინჯებდნენ, მერე მივხვდი… – რას ჰყვება გიგი უგულავა?

პოლიტიკოსმა გიგი უგულავამ პარლამენტის შენობასთან აქციაზე სიტყვით გამოსვლის დროს განაცხადა:

„ნიკა მელიას დღეს გავრილოვი ჩაუდეს და ამის გამო დააპატიმრეს, ამიტომ, მიუხედავად იმისა, რომ სიცივეა, სეზონი არ არის,  კომენდანტის საათია, ჯერ კიდევ თითოეული ჩვენგანი პირბადეებით დავდივართ, ვცდილობთ, თავი დავიცვათ, მიუხედავად იმისა, რომ ჩვენი მთავრობა უკანასკნელია მსოფლიოში და ავღანეთმაც კი დაიწყო ვაქცინაცია და საქართველო ამ თვალსაზრისით, უკან მიდევნებული ლამპარივით არის, ყველაფერი ამის მიუხედავად ჩვენ აღარ გვაქვს უფლება, ასე თბილად ვისხდეთ. მინდა, ქედი მოვიხარო ჩემი მეგობრების მიმართ, რომლებიც სამ თვეზე მეტია, ყოველდღიურად იბრძვიან, თან რისთვის იბრძვიან კარვისთვის, რომ კარავში ისხდნენ.

რა არის კარავი, ცოდვა გამხელილი სჯობს, თავის დროზე, როცა მერი ვიყავი, ეგ სისუსტე მეც მქონდა. რაღაც მომენტში მეც მივხვდი, რომ უბრალოდ ქარის წისქვილებს ვებრძოდი. სისულელეა, ამახინჯებს ქალაქს, გასავლელი არ არის – ბიგბენის გვერდზე დგას უამრავი ასეთი კარავი და არამგონია, იქ რამე მახინჯდებოდეს.

ამიტომ მე ჩვენს მეგობრებთან ერთად, ვაპირებ დავრჩე, რადგან თავდასხმის საფრთხე ამ უგუნურებისგან ძალიან დიდია. დაიწყება მორიგეობა და ყველ პოლიტიკური ლიდერი, შეძლებისდაგვარად ჩაერთვება ამ ფერხულში. იმედი მაქვს, ბევრი თქვენგანიც. დღეს კრიტიკული ღამეა, როგორც კი ხალხი შემცირდება, შეიძლება ღამე ტურებივით მოგვეპარონ და ფეხქვეშ გათელონ კონსტიტუცია“