პაატა იმნაძე, ტვ პირველის ეთერში შეზღუდვების შემოხსნაზე და ბიზნესის პროტესტზე საუბრობს:
ეტაპობრივად მიმდინარეობს გახსნა, უბრალოდ რაღაც ეტაპებმა გადმოიწია, იმიტომ რომ მაჩვენებლები ოპტიმიზმის საფუძველს გვაძლევს.
ყველაფერი იქნება დამოკიდებული ბიზნესზე და ადამიანებზე, რამდენად დავიცავთ წესებს, პირბადის ტარების წესი, დისტანცირება. შემოგვიბრუნდება თუ არა კორონა მძლავრად, ეს ახლა არის წესების დაცვაზე დამოკიდებული.
დღეისათვის ნიღბების სწორად ტარების მაჩვენებელი ქვეყანაში 72 პროცენტია, ეს არ არის ძალიან ცუდი, მაგრამ არც ძალიან კარგია, უკეთესი იქნება, თუ ეს 90-პროცენტს გადაცდება, მაშინ უფრო დაცულები ვიქნებით.
მოვისმინე, მითხრეს, თურმე, მე არ უნდა ჩავერიო კერძების მომზადებაში, საცივის რეცეპტი არ მომიწოდებია… ყველამ თავის საქმე რო აკეთოს, ძაან კაი იქნება. გვინდა, რომ გავხსნით ქვეყანა ისე, რომ 1 თვეში დასაკეტი არ გახდეს. მაქსიმალურად ისე უნდა გავხსნათ, რომ აპრილში არ მოგვიწიოს ისევ ხელმეორედ შეზღუდვები.
როგორ ფიქრობთ, 3 ათასი კაცი, რომლებიც დავკარგეთ, კითხეთ მათ ახლობლებს, უნდათ რომ კიდევ 3 000 კაცი დავკარგოთ? რომ ვერ ისწავლეთ ის თანაცხოვრება იძულებული ხდება სახელმწიფო, ჩაერიოს რომ ვასწავლოთ ეს თანაცხოვრება. ლაპარაკია ჩვენი თანამოქალაქეების სიცოცხლეზე. ჩვენ გვაქვს კონკრეტული ადამიანები და აღარ მინდა… ცნობილი ადამიანები, დღეს ჩემი კარგი ახლობელი გარდაიცვალა, კორონას შეეწირა… გასაგებია, კარგით რა, იმ ბიზნესებში… ეკონომისტი მე არა ვარ და სხვის საქმეში ჩარევა არ მიყვარს, მაგრამ რა ხელფასებს აძლევენ თავის თანამშრომლებს, ეს თვითონ მოიკითხონ…”
რესტორატორმა ლევან ქოქიაშვილმა პირდაპირი ეთერის პარალელურად, კითხვა გაუგზავნა პაატა იმნაძეს, წამყვანმა ეს კითხვა საუბრის ბოლოს დაუსვა: – რა ინფორმაცია გაქვთ და საიდან, რა ხელფასს ვუხდით თანამშრომლებს? – ეკითხება ლევან ქოქიაშვილი პაატა იმნაძეს.
პაატა იმნაძემ პასუხს თავი აარიდა და ისევ გაიმეორა, რომ საცივის რეცეპტს არავის ასწავლის, თითქოს რესტორნის მართვა, მართლაც საცივის რეცეპტზე იდგეს:
“არაფერი… მე კიდევ ერთხელ ვამბობ, სხვის საქმეში არვერევი, საცივის გაკეთებას და ხინკლის მოხვევას არავის ვასწავლი, არ არის ჩემი საქმე, ყველამ თავის საქმეს მიხედოს-მეთქი, ეგ ვთქვი, მეტი არაფერი.”
კომენტარები