(ვიდეო) – “გაავრცელეთ, შაბათს არის დაუმორჩილებლობა – ბრძოლა ბოლომდე, რომ გადავრჩეთ” – ალექსანდრე პაიკიძე

შეზღუდვების მოხსნის მოთხოვნით აქციების ერთ-ერთი ორგანიზატორი, მწერალი, ალექსანდრე პაიკიძე, სოციალურ ქსელში, ვიდეომიმართვას ავრცელებს:

“ეს მცირე ლუკმა, რომელიც გადმოაგდო ხელისუფლებამ, არავის აკმაყოფილებს. მოთხოვნები იდგა სხვაგვარად და ნუ მოვტყუვდებით. არ გაუქმებულა კომენდანტის საათი, რითიც უნდა დაეწყოთ. მეორე – ტრანსპორტის გადადგილების შეზღუდვა ისევ მაინც შაბათ-კვირას არანაირ ლოგიკას არ ექვემდებარება. უნდა იმუშაოს შაბათ-კვირასაც და ასეც იქნება. იმის ნაცვლად, რომ გახსნას სრულად ბიზნესი და ხალხს მისცეს გამომუშავების საშუალება, საუბრობს 80 პროცენტის სუბსიდირებაზე რესტორნებისთვის, თუ ასე შემდეგ – საიდან მოაქვს პრემიერს ეს ფული? თავისი ფულით ასუბსიდირებს, თუ ვალს ვიღებთ? თან ემუქრება თუ ისე არ მოიქცევით, როგორც ჩვენ გვინდა, არ მოხვდებით პროგრამაშიო.

ეს იყო პატარა გადმოგდებული ლუკმა. სახელმწიფოს ფიზიკურად არ გააჩნია ეს ფული. 13 260 000 000 ვალი ავიღეთ არასრულ ერთ წელიწადში – ამ ქვეყნის პრემიერი კი იძახის, რომ დაასუბსიდირებს რაღაცას და არ ხსნის არაფერს.

არაფერი არ დამთავრებულა, არ გვაქვს აჟიოტაჟის და გულუბრყვილ აღტკინების დრო – პირიქით, ყველაფერი ახლა დაიწყო და ბოლომდე მოვითხოვოთ ის რაც გვეკუთვნის კონსტიტუციურად. უნდა აღდგეს სრულად ბიზნესი, სატრანსპორტო მოძრაობა ჩვეულებრივ რეჟიმში და გაუქმდეს კომენდანტის საათი. ვინც შაბათ-კვირას მუშაობს იმათზე იფიქრეს? თუ მაგათ ჰგონიათ რომ შაბათ-კვირას ვიქენდებზე დავრბივართ? რა ლოიგიკას ემსახურება? ისე არის მუქარის და შანტაჟის რეჟიმი.

არ გენდობით არავინ, შაბათს არის დაუმორჩილებლობა, შაბათს არის აქცია, უნდა ვაჩვენოთ რომ ხალხი არის ძალა და არა რამდენიმე ადამიანის გადაწყვეტილება,.

კომენდანტი საერთოდ რომ არ უხსენებიათ, ეს არის ძირითადი მოთხოვნა! ლოგიკურ ჯაჭვში არ აქვთ არც ერთი განცხადება.

შაბათს იქნება პროტესტის ის ფორმა, რომელსაც ქვია დაუმორჩილებლობა და უნდა დავანახოთ, რომ დემოკრატია არის ხალხის მმართველობა და არა გახარიასი, თურნავასი, გამყრელიძეს და იმნაძის.

ძალიან გთხოვთ, გავრცელების ფორმა მივცეთ ამას, თორემ ხალხი მწერს და ჰგონიათ რაღაცას მივაღწიეთ. რაც მთავარია, ბერკეტი მათ ხელშია და კაციშვილი ვერ გააკონტროლებს როგორ დათვლიან და არ გვექნება ამის გაკონტროლების საშუალება.

ბრძოლა ბოლომდეა საჭირო, რომ ვიცოცხლოთ, გადავრჩეთ.”