სახელმწიფო უსაფრთხოების სამსახურის უფროსი გრიგოლ ლილუაშვილი საქართველოში ამერიკის შეერთებული შტატების ახლად დანიშნულ ელჩს, კელი დეგნანს შეხვდა.
სუსის პრესსამსახურის ცნობით, შეხვედრაზე მხარეებმა ხაზი გაუსვეს ამერიკის შეერთებულ შტატებსა და საქართველოს შორის უსაფრთხოების სფეროში მტკიცე პარტნიორული ურთიერთობების მნიშვნელობას და ისაუბრეს ამ მიმართულებით არსებული თანამშრომლობის კიდევ უფრო მეტად გაღრმავების შესაძლებლობებზე.
გრიგოლ ლილუაშვილმა და კელი დეგნანმა უსაფრთხოების კუთხით საქართველოს წინაშე არსებული გამოწვევები და რეგიონული საფრთხეები მიმოიხილეს. ყურადღება გამახვილდა საქართველოს სახელმწიფო უსაფრთხოების სამსახურსა და აშშ-ის შესაბამის სახელმწიფო უწყებებს შორის არსებულ წარმატებულ თანამშრომლობასა და სამომავლო გეგმებზე.
გრიგოლ ლილუაშვილმა კელი დეგნანს ელჩად დანიშვნა მიულოცა და წარმატებები უსურვა.
სუსის პრესსამსახურის ონფორმაციით, საქართველოში ამერიკის შეერთებული შტატების ელჩმა სახელმწიფო უსაფრთხოების სამსახურის უფროსს მადლობა გადაუხადა უსაფრთხოების სფეროში დღემდე არსებული და სამომავლო თანამშრომლობისთვის.
თანამშრომლობა ვიცით ასეთი – ყველაზე ბოლოს სუსის უფროსს შეხვდა ამერიკის ელჩი, ყველაზე ბოლოს სუსის უფროსი გაიცნო! თანამშრომლობაც ამას ჰქვია! არადა, ამერიკის ელჩს დიდი გამოცდილება აქვს უსაფრთხოების საკითხებში!
ამბობენ, შემდეგი ლაგოდეხის მერიაო!
კომენტარები