ბათუმში, გუშინდელი აქციის ერთ-ერთი ორგანიზატორი, ორგანიზაცია “ალტერნატივას” წევრი, მზია ქედელიძე, სოციალურ ქსელში, მიმართვას ავრცელებს:
“არავისზე ნაკლები არა ვარ, არც გვარიშვილობით, არც ოჯახით. იმის მოსმენა, რომ ჩავლეიშვილი ძირძველი ბათუმელია და როგორ ვაკადრეთ, იყო გასაკვირი. ამ ადამიანს, მთელი წინასაარჩევნო პერიოდი, ვეხმარებოდით, ჩვენთან ერთად დადიოდა კარდაკარ, მოსახლეობას აცნობდა ჩვენ პროგრამას, ჩვენივე, 5 ნომრით შევიდა უმაღლეს საბჭოში, ხედავდა ღამეებს როგორ ვათენებდით და იმისგან ღალატი არის მიუღებელი.
რატომ გაგიკვირდათ, სულ ვამბობდით რომ ჩავლეიშვილს გაეცემა პასუხი და სადაც შევხვდებით, როგორი მოღალატე ნაგავიცაა, იმავე ნაგვის ურნაში, თავის ადგილას მოვათავსებდით. ვგულისხმობ “ალტერნატივას. ჩვენ სიტყვებს ჰაერზე არ ვისვრით.
გუშინ, როცა გამოჩნდა ჩავლეიშვილი, გავუშვით და გავაფრთხილეთ, არ გაგვკარებოდა. მიუხედავად ამისა, “თავისუფლების კვარტალთან” 20 მეტრში მოვიდა, ყავა იყიდა და ამბობდა: “რისი თავი და რისი ერთი ადგილი აქვთ, რომ ის მუქარა, (ნაგვის ვედროში ჩასმის) შემისრულონო”
ქვეყანა თავზე გვენგრევა. ქუჩაში რომ ხედავთ ბავშვები ნაგვის ურნაში საჭმელს ეძებენ, მაშინ რატომ არ არის ეს სამარცხვინო? პირიქით, მანქანის ფანჯრებს მაღლა წევთ, რომ სუნმა არ შეგაწუხოთ და ესაა სამარცხვინო.
რაც შეეხება ჩვენ თანაგუნდელებს, რომლებიც გვაკრიტიკებენ – არც გაბედოთ, იგივეს გავაკეთებთ ყველასთან და ყველგან. მთელმა საარჩევნო კამპანიამ გადაიარა ახალგაზრდების, ჩვენ ზურგზე, რომ თქვენ შესულიყავით პარლამენტში და დაგეცვათ ხალხის ხმა. თქვენ კი რა ქენით – მოაპარვინეთ ხმები და მოკალათდით სახლებში თბილად. რომ არა ბათუმი და რომ არა “თავისუფლების კვარტალი” დარწმუნებული ვარ, ყველანი უკვე იქნებოდით პარლამენტში. ეს არის ძალიან სამარცხვინო.
თუ ჩავლეიშვილის ბულინგი ბულინგი იყო, ჩვენ რომ გვაბულინგებთ მთელი ღამე? ჩვენ არ გვყავს შვილები?
აღარ მერიდება უკვე არაფრის თქმა, ამოხვედით ყელში, თბილად იღებთ პრემიებს და დანამატებს და თურმე ჩავლეიშვილს როგორ ჩამოაცვეს ნაგვის ურნა. იგივეს გავუკეთებთ ყველას. ვის რა მოსწონთ, არ გვაინტერესებს, თუ არ მოგწონთ, გამოდით და თქვენებურად გააპროტესტეთ. გიშლით ვინმე? თუ თქვენთვისაც უნდა ვიბრძოლოთ, ჩვენთვისაც და თუკი რამე თქვენ მორალ-პრინციპებში არ ჯდება, უნდა გადაგვიაროთ? არც შეცადოთ. დამსახურებულად მიეზღო მოღალატეს. ეს რომ თავის დროზე გაგვეკეთებია, როდესაც პირველი მოღალატეები გამოჩნდნენ, დღეს ეს შედეგი არ გვექნებოდა. ვინც უნდა იყოს, გინდ ჩვენი გუნდის წევრი, რომელიც გაბედავს ღალატს, მოელის იგივე.”
შეგახსენებთ, გუშინ აჭარის უმაღლესი საბჭოს დეპუტატს ირაკლი ჩავლეიშვილს ერას მოედანზე ნაგვის ურნიდან ნაგავი თავზე დააყარეს.
კომენტარები