“ჩვენი კამპანია იქნება – არც ერთი ხმა ქოცხროვას!”

არც ერთი ხმა ქოცხროვას! – ეს იქნება კამპანია. დაგამთავრებთ აუცილებლად, ღირსებას თქვენ არ ჩაგაბარებთ, – ამის შესახებ „ახალი საქართველოს” ლიდერმა გიორგი ვაშაძემ მას შემდეგ განაცხადა, რაც უზენაესი სასამართლოს გადაწყვეტილება გამოცხადდა და უგულავას 3 წლით და 2 თვით თავისუფლების აღკვეთა მიესაჯა.

„ეს ნაბიჯი არის მშიშარა კაცის და სასამართლოს და პროკურატურის ზურგს უკან ამოფარებული ქოცბანდიტების გადაწყვეტილება. მივმართავ მათ, თქვენ გეშინოდეთ, არც ერთი ნაბიჯი უკან, მხოლოდ და მხოლოდ ძალიან აგრესიულ და მწვავე შეტევაზე გადავალთ. მგონი, დადგა დრო საქართველოს თითოეულმა მოქალაქემ გაიაზროს ერთი რამ, ეს ადამიანები აპირებენ ჩვენს, ქართველი ხალხის ხარჯზე მიისაკუთრონ ეს სახელმწიფო, გადაგვხვეწონ ჩვენ აქედან, ჩაგვსვან ციხეში და ა.შ. ღირსებას ქართველ ხალხს ვერ წაართმევს ვერც ერთ შემთხვევაში ვერც ივანიშვილი და ვერც ქოცბანდიტები, რომლებიც ახლა შეიძლება ხარობდნენ.

ყველა თქვენი დარტყმა ჩვენ გვაძლიერებს და უფრო და უფრო მეტნი ვიქნებით. გეშინოდეთ დღეც და ღამეც იმის, რასაც ჩვენ პასუხად აუცილებად დაგიბრუნებთ. კანონს ვერ დაგვარღვევინებთ ამაზე რომ არ გამოგვეკიდოთ, მაგრამ იცოდეთ, რომ ვიქნებით ძალიან პრინციპულები, მშვიდობიანები და ქვეყნის აღმშენებლობას წინ ვერ გადაეღობებით. თქვენ გინდათ, რომ ეს ქვეყანა გადაიფორმოთ, დაამონოთ და დააჩოქოთ ქართველი ხალხი. ქართველი ხალხი ღირსეულია და არ დაიმონებს, არ დაიჩოქებს. დაგამთავრებთ სადაც ხართ! თქვენ მოგიწევთ ციხეში ჩასმა იმ უკანონობისთვის, რასაც აკეთებთ ქვეყანაში. ეს დამარცხება აუცილებლად არჩევნების გზით იქნება, მაგრამ არჩევნებამდე იქნება ძალიან ბევრი ნაბიჯი. არც ერთი ხმა ქოცხროვას! – ეს იქნება კამპანია. დაგამთავრებთ აუცილებლად, ღირსებას თქვენ არ ჩაგაბარებთ”