გარბის და ტოვებს კობახიძესა და მელიას, გარბის და ტოვებს უკიდურეს სიღარიბეს – ლევან ლორთქიფანიძე

პოლიტოლოგი, ლევან ლორთქიფანიძე, სოციალურ ქსელში, ბიძინა ივანიშვილის დღევანდელ წერილს ეხმაურება:

“ადამიანს ჰქონდა ხალხის ძალიან დიდი ნდობა, აბსოლუტური უმრავლესობით აკონტროლებდა ხელისუფლების ყველა შტოს, ზურგს უმაგრებდა რამდენიმე მილიარდი, არ აკლდა საერთაშორისო ყურადღება.

მას შეეძლო ქვეყნის პოლიტიკისა და ეკონომიკის ფუნდამენტური გარდაქმნა, გრანდიოზული ცვლილებების განხორციელება. ნაცვლად ამისა, ამაყობს საკონსტიტუციო რეფორმით, მურუსიძის სასამართლოთი და გარბის პირადი კონფორტის შესაქმნელად, გარბის და პოლიტიკაში ტოვებს კობახიძესა და მელიას. გარბის და ტოვებს უკიდურეს სიღარიბეს, რაც ცხადია ობიექტური მოცემულობაა, მაგრამ მის დასაძლევად ერთი სერიოზული ნაბიჯი არ გადაუდგამს. გარბის და ტოვებს ამ ყალბ, თვითკრიტიკულობისგან დაცლილ და თვითკმაყოფილებისგან გაჯერებულ წერილს.

ვერ მოისვენებთ მაინც …”