კელი დეგნანმა საქართველოს ახალი წელი აშშ-ის ყოფილ ელჩებთან ერთად მიულოცა.
„ეს ძალიან რთული წლი იყო მთელი მსოფლიოსთვის, ბევრი დანაკარგით და მოულოდნელი ცვლილებებით
ასეთ დროს ვაცნობიერებთ, თუ რამდენად ძვირფასია ჩვენი ოჯახი, მეგობრები და კოლეგები და რამდენად ვაფასებთ ერთად გატარებულ დროს.
2020 წლის გამოწვევებმა ხელი ვერ შეგვიშალა, გვეპოვა ახალი გზები საქართველოში ჩვენი მნიშვნელოვანი საქმის გასაგრძელებლად.
ჩემზე საოცარი შთაბეჭდილება მოახდინა იმან, თუ რამდენი რამის წარმატებით შესრულება შეგვიძლია ერთად მუშაობით. COVID-19 ვერ შეგვიშლის ხელს. მოულოდნელი პანდემიის დაწყებისთანავე მთელი ჩვენი გუნდი ვირუსის წინააღმდეგ ბრძოლაში საქართველოს დასახმარებლად გაერთიანდა. თქვენმა საქმემ, პირდაპირი მნიშვნელობით, გადაარჩინა ადამიანების სიცოცხლე.
ერთობლივი ძალისხმევით, ამერიკელებმა და ქართველებმა აჩვენეს, რომ ჩვენ შეგვიძლია ერთად დგომა, მიუხედავად გამოწვევებისა. სხვათა შორის, ამ კარგმა საქმემ მათი ყურადღებაც მიიპყრო, ვინც საქართველოში ადრე მსახურობდა.
მომწერეს ელექტრონული ფოსტით, დამიტოვეს შეტყობინებები და გამომიგზავნეს ვიდეოები, რათა გაეზიარებინათ მოგონებები მათი არაჩვეულებრივ მეგობრებისა და საქართველოს შესახებ, თუ რა ენატრებათ ყველაზე მეტად და როგორ გისურვებენ უსაფრთხო და წარმატებულ ახალ წელს საუკეთესო სურვილებით“, – განაცხადა საქართველოში აშშ-ის ელჩმა.
კომენტარები