ხუსკივაძის და კობალაძის გათავისუფლება ივანიშვილის “ხოდია” ელისაშვილისნაირებისთვის” – ირინა სარიშვილი

პოლიტიკოსი, ირინა სარიშვილი, სოციალურ ქსელში, წერს:

“ძალიან მიხარია ხუსკივაძის და კობალაძის განთავისუფლება – ძალიან მიხარია…. მაგრამ!

ივანიშვილისთვის ეს ქვეყანა კაზინოა, ადამიანები კი, სულერთია, მომხრე თუ მოწინააღმდეგე, სხვადასხვა ღირებულების “ფიშკები” და ამ “ფიშკების” ფასს კონკრეტული გარემოება განსაზღვრავს ხოლმე.

ხუსკივაძის და კობალაძის განთავისუფლება არ არის ჩვენი გამარჯვება – ეს ივანიშვილის “ხოდია” ისევ და ისევ დროის მოსაგებად და ალეკოელისაშვილისნაირებისთვის მეტი დემაგოგიის საშუალების მისაცემად. ნებისმიერმა, ვისაც პოლიტიკური აქტიურობისთვის აპატიმრებენ, იცის ერთი რამ – ის იბრძვის იდეისთვის და ამ იდეას საკუთარ თავისუფლებას არ უთანაბრებს – ის შეგნებულად წირავს თავს და სწორედ ასეთებად წარმომიდგენია მე დღეს განთავისუფლებული ბიჭები.

ციხეში რჩება გიორგი რურუა, ორი მხცოვანი მეცნიერი და კიდევ ბევრი, მათ შორის ბაჩო ახალაია და ამ ადამიანებს ივანიშვილი არ გაანთავისუფლებს – მათი განთავისუფლება მისი ხელისუფლების დასასრულს ნიშნავს. ხუსკივაძის და კობალაძის განთავისუფლება ამ დასასრულის დასაწყისი შეიძლება გახდეს თუ განთავისუფლებულები და ჩვენც მათთან ერთად დღევანდელ აქტს გამარჯვებად არ ჩავთვლით და მას ივანიშვილის ტაქტიკურ ნაბიჯად შევაფასებთ, რომელმაც ჩვენ კი არ უნდა მოგვადუნოს და რაღაც ილუზიებში კი არ უნდა გვამყოფოს, პირიქით – კიდევ უფრო მეტად უნდა დაგვარწმუნოს, რომ არანაირ ასეთ ფანდზე წამოგება არ შეიძლება, არაფრის გულისთვის ჩვენი პოზიციების შერბილება არ შეიძლება და კიდევ რაც მთავარია – ბრძოლას ყოველთვის აქვს აზრი!

არც ერთი ნაბიჯი უკან – ჩვენ გავიმარჯვეთ ამ არჩევნებში და ეს გამარჯვება თავიდან უნდა მოვიპოვოთ ყველამ ერთად!”