ჯანდაცვის მინისტრის, ეკატერინე ტიკარაძის განცხადება:
“ვგეგმავთ გარკვეულ ღონისძიებებს, ჩვენი მიზანია არ დაველოდოთ პიკს…
გვაქვს 2 ვერსია, როგორ ფორმატში განხორციელდება შეზღუდვები.”
ეკატერინე ტიკარაძემ გუშინდელ განცხადებებზეც გააკეთა კომენტარი და თქვა, რომ ეს არ ეხებოდა მხოლოდ ოპოზიციას და ეს “ეხებოდა ქორწილს და სხვადასხვა ღონისძიებებს, რომელიც დღემდე გამართულა საქართველოს ტერიტორიაზე და რამაც გამოიწვია ეპიდემიის ასეთი მკვეთრი ზრდა.”
შეგახსენებთ, გუშინ ჯანდაცვის მინისტრმა, ვიცე-პრემიერმა და სხვა მაღალჩინოსნებმა განცხადებები გააკეთეს და თქვეს რომ ეპიდემიის მკვეთრი ზრდა ოპოზიციის მიერ გამართულ აქციების დამსახურებაა.
“ალია” აქვე კიდევ ერთხელ გეტყვით იმასაც, რომ ქორწილების, სხვადასხვა ღონისძიებების, მათ შორის, ექიმთა დიდი კონფერენციის, აქციების, პარტიული შეკრებების და სხვათა გამართვის ნებართვა გასცა სწორედ სახელმწიფომ, მმართველმა გუნდმა, ანტიკრიზისულმა საბჭომ, ჯანდაცვის მინისტრმა და ეპიდემიოლოგიურმა სამსახურებმა. ნებართვა გასცეს, მაგრამ არ შეიძლებოდა, თურმე. ასეა, მთავრობა გვეუბნება, რომ მთავრობის სიტყვას არ უნდა ვენდოთ!
კომენტარები