დაავადებათა კონტროლის ეროვნული ცენტრის დირექტორის მოადგილე პაატა იმნაძე:
“ძალიან ბევრი, მათ შორის ჩემი კოლეგები, ნიღაბსაც და დაცვასაც ძალიან კარგად ხმარობენ, მაგრამ როცა ცოტა დრო გამოუჩნდებათ, რომ საკვები მიიღონ, საჭმელად რომ ჯდებიან ხოლმე და იხსნიან ნიღბებს, იქ ხდება ხოლმე მათი დასნებოვნება.
ამიტომ, კატეგორიულად დავიმახსოვროთ, ერთმანეთთანაც, განსაკუთრებით როცა საჭმელს ჭამ, უნდა მოიხსნა ნიღაბი, ჰო? მაქსიმალურად დისტანციაზე ერთმანეთისგან და ეცადეთ, სხვადასხვა დროს მიიღოთ ხოლმე საკვები, ამ დროს ხდება ხოლმე ძალიან ხშირად დასნებოვნება”
პაატა იმნაძის ამ სიტყვება გაგვახსენა სოციალურ ქსელში ნანახი ვიდეო, რომელსაც ადვოკატი მირიან ნიკოლაძე ავრცელებს წარწერით:
“მთელი დღეა ვფიქრობ, სამსახურის წინ როგორ მოვწიო სიგარეტი ისე, რომ არ დამაჯარიმონ. გაიხაროს ამის მომგონმა!”
“ალია”, აქვე, გაფრთხილებთ, რომ ეს ხუმრობაა და ამ ვიდეოში ნანახის გამეორება არ სცადოთ!!!
პაატა იმნაძეს კი გვინდა შევახსენოთ, მუდმივად ამაზე წერდა “ალია”, გადაამზადეთ ექიმები და ექთნები, შეიმუშავეთ პროტოკოლი, გამოყავით დასვენების საათები… და ასე შემდეგ… “ალიას” ჟურნალისტი რომ იყო საათნახევრით “რესპუბლიკურ საავადმყოფოში” ზაფხულში, მაშინ, ცხელების ცენტრში ექთანს ცალ ხელში პირბადე ეჭირა და მეორე ხელით ილუკმებოდა, შიგადაშიგ კი პაციენტებთანაც კონტაქტობდა ჭამა-ჭამით… დავწერეთ ამაზე და ყურადღებაც არ მოგვაქციეთ. კარგია, ახლა მაინც რომ ცდილობთ ექიმების გაფრთხილებას, მაგრამ ეს შედეგი არ დადგებოდა, ზაფხულში რომ გემუშავათ!
კომენტარები