“გადამწყვეტი გაყალბება ხდება ცენტრალურ შტაბში”

ამერიკაში მცხოვრები ექიმი, პროფესორი, ზურაბ გურული, სოციალურ ქსელში, წერს:

“რამდენიმე მარტივი საარჩევნო აქსიომა:

1. გადამწყვეტი გაყალბება ხდება არა საარჩევნო უბნებზე, არამედ ცენტრალურ შტაბში.

2. გაყალბების ხარისხი დამოკიდებულია იმაზე, თუ რა მოსალოდნელი რეაქცია ექნებათ გაყალბების მსხვერპლთ. თუ ეს რეაქცია წარმატებით აქვს დატესტილი გამყალბებელს, მაშინ აუცილებლად გააყალბებს.

3. აშკარა გაყალბების შემთხვევაში ყველაზე არაძალადობრივი მოქმედების გზა არის ბოიკოტი. ნებისმიერი სახის თანამშრომლობა გამყალბებელთან ნიშნავს გაყალბების ლეგიტიმაციაში თანამონაწილეობას, შესაბამისი შედეგებით.

4. გაყალბების კიდევ ერთი ლეგიტიმაცია ნიშნავს გაყალბების ტრადიციის უსასრულოდ გაგრძელებას და ამომრჩეველთა კატასტროფულ ნიჰილიზმს.

5. გაყალბების ლეგიტიმაციის თანამონაწილენი თვისობრივად არ განსხვავდებიან გამყალბებლისაგან.”