“პირბადე არ ეკეთა გამყიდველს და გამოვიძახე პატრული” – რა მოხდა შემდეგ და დაჯარიმდა თუ არა გამყიდველი?

სოციალური ქსელის მომხმარებელი, ნ.ბ. წერს:

“დაუჯერებელია, მაგრამ რა ვქნა, ამ წუთას შემოვედი სახლში, კრიმინალურ პოლიციაში წამიყვანეს ჩვენების მისაცემად. მიზეზი პირბადის გაკეთებაზე შენიშვნის მიცემა და თანმდევი მოვლენები.

რამდენიმესაათიანი და თხუთმეტიათასჯერ მოყოლილი ამბის შემდეგ ჩვენების მიმღები გამომძიებელი მეუბნება, რომ ტვინის გალღობის მიზნითაც ვერ დააჯარიმებს გაყინულტვინიან ადამიანს, ვინაიდან მტკიცებულება არ აქვს.

პ.ს. პოლიციელებმა და გამომძიებლებმა წერა რატომ არ იციან, რატომ? მოკლე შინაარსის სწორად დაწერა რატომ არ იციან? ესენი რანაირად იძიებენ საქმეებს? დედუქციური აზროვნების ქონაზე ხმასაც არ ვიღებ.

პ.ს.ს.

რა მოხდა:

ჩემი უბნის ხაჭაპურის გამყიდველს ხელში არ მივეცი ბარათი გასატარებლად, თავად გავატარებ-მეთქი, რაზეც გაბრაზდა. გაბრაზებულმა გაიკეთა ერთჯერადი ხელთათმანი და მაინც თვითონ გაატარა (რომ შევედი, მაშინაც გაბრაზებული იყო). შემდეგ დამიწყო ჭკუის სწავლება, რომ სისულელეა ჩემი სიფრთხილე, რომ ბევრი აძლევს ბარათს, მერე ადებს აპარატს და ათასი რამ. ამ დროს მივმართე, რატომ არ ეკეთა პირბადე. თან, უკვე მოვდივარ, წამოსვლა მინდა, მაგრამ ეს გოგო არ ჩერდება, აღგზნებულია და ხელებს შლის. ჩემი მიმართვის შემდეგ საუბარში ჩაერთო მეორე ქალი და მეუბნება, რომ პირბადე მხოლოდ საათნახევარი გვიცავს და აზრი არ აქვს მის გაკეთებას. იგივე გაიმეორა იმ გოგომაც, რომ პირბადე არ გვიცავდა და ტყუილად გვეკეთა. აზრი არ აქვსო?! აქ უკვე მე აღვშფოთდი, რომ რას ჰქვია არ აქვს-მეთქი და მე ექიმი ვარ და ძალიან კარგად ვიციო. გეტყობათ როგორი ექიმიც ხართ-მეთქი და ამ წინადადების მერე რას ჰქვია, დედის ტოლა ქალს შეურაცხყოფას აყენებო და აქეთ მომაყენა სიტყვიერი შეურაცხყოფა. მე უკვე გარეთ ვიყავი. მოვარდა გამძვინვარებული და მომიკეტა საცხობის კარი. შემდეგ მინის იქით იდგნენ, მიყურებდნენ და იცინოდნენ. ავდექი და დავრეკე პატრულში. საბოლოოდ აღმოჩნდა, რომ გაყინულ ტვინს მაინც ვერ გაულღობენ, რადგან მტკიცებულება არ აქვთ.

რჩევა:

გადაუღეთ ფოტო, ვინც გეუზრდელებათ და გეუხეშებათ ასეთ ვითარებაში.”