მეცნიერებმა კორონავირუსის ახალი სუსტი წერტილი აღმოაჩინეს. გამოცემა, „საიენს ედვანსის“ სტატიის თანახმად, ამერიკელი და პოლონელი მეცნიერების აღმოჩენა „სარს-კოვ-2“-ის საწინააღდეგო პრეპარატის შექმნას დაეხმარება.
როგორც აღმოჩნდა, კორონავირუსი ადამიანის ორგანიზმში მოხვედრისას, იყენებს „მოლეკულურ მაკრატელს“, რომლის გარეშეც ის ვერ შეძლებს გამრავლებას, იმუნური რეაქციისთვის მნიშვნელოვანი ცილების გამორთვას. „მოლეკულური მაკრატელი“ არის „სარს-კოვ-2 პი-ელ პრო“ ფერმენტი, რომელიც ასტიმულირებს ცილების გამოყოფას, რომელიც აუცილებელია ვირუსული რეპლიკაციისთვის, ასევე აფერხებს მოლეკულებს, როგორიცაა ციტოკინები და ქიმიოკინები, რომლებიც საჭიროა იმუნური სისტემის გასააქტიურებლად ვირუსზე შეტევისთვის. „სარს-კოვ-2 პი-ელ პრო“ ფერმენტი წყვეტს უბიკვიტინს და „აიესჯი 15“-ს და არღვევს მათ ფუნქციებს.
მეცნიერებმა დაადგინეს, რომ „სარს-კოვ-2 პი-ელ პრო“ შეიძლება დაიბლოკოს ორი ინჰიბიტორით – „ვი-აი-არ 250“-ით და „ვი-აი-არ 251“-ით. საინტერესოა, რომ ეს ნაერთები მხოლოდ კორონავირუსის ცილას ცნობს და ადამიანის სხეულის სხვა მსგავს ცილებზე არ რეაგირებს. ის, თუ როგორ მოქმედებს „სარს-კოვ-2 პი-ელ პრო“, ახალ კორონავირუსს „სარს-კოვ-1“-ისგან და „მერსისგან“ განასხვავებს, რომლებსაც მსგავსი ფერმენტები აქვთ. ჯანდაცვის ექსპერტებმა ჯერ არ იციან, გადამწყვეტი როლი აქვს თუ არა ამ თვისებას იმაში, რომ კორონავირუსები სხვადასხვაგვარად მოქმედებენ ადამიანებზე.
წყარო: 1tv.ge
კომენტარები