ჯანდაცვის მინისტრი, ეკატერინე ტიკარაძე ამბობს, რომ ქართულ ჯადაცვის სისტემას კორონავირუსთან გასამკლავებლად სასუნთქი აპარატების საჭირო რაოდენობა აქვს. თუმცა შეზღუდულია ადამიანური რესურსიც და სასწრაფო დახმარების ავტომობილებიც:
“საქართველოში საკმარისი სასუნთქი აპარატია. თუმცა კოვიდთან ბრძოლისას მნიშვნელოვანია ადამიანური რესურსიც და ჩვენ გვჭირდება ისეთი მაღალი კვალიფიკაციის სპეციალისტები, რომლებსაც აქვთ მინიმუმ 12-წლიანი განათლება. რაც შეეხება სასწრაფო დახმარების ბრიგადებს, ისინი, პირველ რიგში, კრიტიკულად მძიმე პაციენტებთან მიდიან. კიდევ ემატება ბრიგადები, მაგრამ ამ შემთხვევაშიც ჩვენ გვესაჭიროება ავტომობილებიც და ექიმებიც”
შეგახსენებთ, ჯერ კიდევ გუშინ, სამინისტრო ამტკიცებდა, რომ მას ჰყავს საჭირო ოდეობის ექიმები მობილიზებული, თუმცა, მას შემდეგ, რაც გაზეთ “ალიას” დღევანდელ ნომერში დაიბეჭდა საზოგადოებრივი ჯანდაცვის საერთაშორისო ექსპერტთან, გიორგი ფხაკაძესთან სკანდალური ინტერვიუ, სადაც ახსნილია, რა შემთხვევაში უნდა ჩაიკეტოს ქვეყანა, და რა კავშირშია ქვეყნის ჩაკეტვა მედპერსონალთან, მინისტრმა აზრი შეიცვალა. ბატონ გიორგისთან ინტერვიუს მოგვიანებით შემოგთავაზებთ.
კომენტარები