როგორია კორონავირუსის ცირკულირება დედაქალაქში? ამის დასადგენად თბილისში კოვიდკვლევა ტარდება.
დაავადებათა კონტროლის ეროვნული ცენტრის დირექტორის, ამირან გამყრელიძის ინფორმაციით, იუსტიციის სახლთან სპეციალისტები 1000-მდე ადამიანს გამოიკვლევენ.
„საველე კარვების მოწყობას თბილისში არ ვაპირებთ, მაგრამ ვინაიდან გვინდა გავზომოთ თბილისში ინფექციის ცირკულირება, იუსტიციის სახლის უკანა მხარეს არის მოწყობილი სივრცე და ვისაც სურვილი გაქვთ შეგიძლიათ მიბრძანდეთ, აიღოთ ნიმუში და მეორე დღეს პასუხი გექნებათ. გვაინტერესებს დაახლოებით 1000 ადამიანზე გაკეთდეს და გავიგოთ, როგორია ვირუსის ცირკულირება თბილისში.
ეს კვლევები არის საშუალება, რომ გარკვეულწილად პულსზე გვეჭიროს ხელი“
კომენტარები