ბათუმში კორონავირუსით გარდაცვლილ პაციენტს სხვადასხვა თანმხლები დაავადება ჰქონდა და მისი გარდაცვალების მიზეზი არა კორონავირუსი, არამედინსულტი იყო. ამის შესახებ ჟურნალისტებს ბათუმის რესპუბლიკური კლინიკური საავადმყოფოს მთავარმა ექიმმა, გია კიკაბიძემ განაცხადა.
“პაციენტს ჰემორაგიული ინსულტი აღენიშნებოდა, ეს არის თავის ტვინში სისხლჩაქცევა. გარდა ამისა, მას ორმხრივი პნევმონია, დიაბეტი და არითმია ჰქონდა. შესაბამისად, გარდაცვალების მიზეზი სწორედ ეს თანმხლები დაავადებები გახლავთ. დანამდვილებით შემიძლია ვთქვა, რომ პაციენტის გარდაცვალების მიზეზი კორონავირუსი არ ყოფილა, ეს ინსულტის გამო, მოხდა”, – აცხადებს ბათუმის რესპუბლიკური კლინიკური საავადმყოფოს მთავარი ექიმი გია კიკაბიძე.
ხოლო, პაციენტი, რომელიც ქუთაისში გარდაიცვალა, კლინიკაში გადმოყვანის დროს, ჯანმრთელობის თვალსაზრისით, რთულ მდგომარეობაში იყო. ამის შესახებ ჟურნალისტებს, იმერეთის რწმუნებულმა, ზვიად შალამბერიძემ განუცხადა.
“მისი მდგომარეობა უკვე გადმოყვანის დროს ძალიან მძიმე იყო, ასევე მას ჰქონდა თანხმლები დაავადებები და სწორედ ამის გამო დადგა ეს შედეგი“
კომენტარები