სამოქალაქო აქტივისტი, გიდი, ალექსანდრე პაიკიძე სოციალურ ქსელში წერს:
„ქვემოთ იქნება იმ ობიექტების მცირე ჩამონათვალე, სადაც განთავსებულ (ან მიმდებარე ტერიტორიაზე) მყოფი მეწვრილმანეები ან კვების ობიექტები სრულიად უსახსროდ დარჩნენ.
ეს ის სეგმენტია, რომელიც ყველაზე მეტად დაიჩაგრა და ყველაზე ნაკლებად ისმის მათი ძახილი.
გთავაზობთ ჩამონათვალს და მიხვდებით რამდენი ათასი ოჯახი დარჩა ლუკმის გარეშე და კარს მომდგარი საბანკო ვალდებულებებით.
მაშ ასე : ჯვრის მონასტერი,სვეტიცხოველი, სამთავრო,(აქ კინაღამ მთელ მცხეთაზეა საუბარი) შავთელის ქუჩა, კოტე აფხაზის ქუჩა, შარდენი, ერეკლე მეორეს ქუჩა, ბამბის რიგი, ე.წ. ახალი პლეხანოვი, ანანურის ციხე, სტალინის მუზეუმი, უფლისციხე, ძვ.შუამთა, ახ.შუამთა,უჯარმა, გრემი, ალავერდი, ნეკრესი, ბოდბე, გუდაურის პანორამა, (პლუს პარაპლანერები) ვარძია, რაბათი, ბორჯომი, წყალტუბო, მარტვილის კანიონი,მარტვილის დადიანების სასახლე, ზუგდიდის დადიანების სასახლე, წინანდლის მუზეუმი, გელათი, სათაფლია, პრომეთე,გონიოს ციხე, მახუნცეთის ჩანჩქერი, თამარის ხიდი,სიღნაღი, იყალთო, თელავის ცენტრი,გარეჯი და სოფელი უდაბნო, ქობულეთი. ასევე, რეგიონები : სვანეთი, ყაზბეგი, თუშეთი,რაჭა.
ამის გარდა – მარნების და ქარხნების ტურისტული პერსონალი, დელიკების და სხვა ავტო სატრანსპორტო საშუალების მძღოლები.
და ბოლოს, თვითონ ეკლესია-მონასტრები და კერძო მუზეუმები.
რავი აბა, უმუშევრად დარჩენილთა რაოდენობა რომ ასჯერ ასწრებს, მინიმუმ, ინფიცირებულთა რაოდენობას, ამ ამბავს რას ვუპირებთ?!“
კომენტარები