“წყეულიმც იყოს, მძულს…” – ბაჩალიაშვილის დედა

დღეს საქართველოს გენერალურმა პროკურატურამ 23 წლის თამარ ბაჩალიაშვილის საქმეზე დამატებითი ექსპერტიზის დასკვნა გაასაჯაროვა.

სასამართლო ექსპერტიზის დასკვნით დადგინდა, რომ ბაჩალიაშვილის  სიკვდილის მიზეზი მედიკამენტოზური ინტოქსიკაციაა. აღნიშნულის შესახებ პროკურორმა ამირან გულუაშვილმა გენერალურ პროკურატურაში გამართულ ბრიფინგზე განაცხადა.

როგორც გულუაშვილი განმარტავს, ქიმიურ-ტოქსიკოლოგიური გამოკვლევით დადგინდა, რომ ბაჩალიაშვილს მედიკამენტები არა ინექციის გზით, არამედ პირის ღრუდან აქვს მიღებული. ამასთან, პროკურორის თქმით, ბაჩალიაშვილის ცხედარს მექანიკური დაზიანების ნიშნები არ აქვს.

ექსპერტიზის დასკვნას სოციალურ ქსელში გარდაცვლილი პროგრამისტის დედა, თეონა თამაზაშვილი ეხმაურება:

„წყეულიმც იყოს უსამართლობა, მძულს სამყარო, სადაც დედას შვილს უმოწყალოდ უკლავენ”