“ნოდარ მელაძის შაბათის” ჟურნალისტებმა გაავრცელეს გასაიდუმლოებული დოკუმენტი, რომელიც ბიძინა ივანიშვილის მარჯვენა ხელის, უჩა მამაცაშვილის რუსეთში ვიზიტებს ასახავს.
დოკუმენტებიდან ირკვევა, რომ მამაცაშვილი მოსკოვში მინიმუმ თვეში ორჯერ დაფრინავს. მეტიც, როგორც აღმოჩნდა ივანიშვილის ოჯახის წევრს ვიზიტების დასამალად ორი პასპორტიც კი აქვს.
ჟურნალისტებმა გაარკვიეს, რომ მამაცაშვილი მოსკოვში იმყოფებოდა რუსი დიპლომატის, სერგეი გავრილოვის თბილისში ვიზიტის წინ.
ივანიშვილის მარჯვენა ხელი ოკუპანტ ქვეყანაში იყო 20 ივნისის სისხლიანი ღამის შემდეგაც. მამაცაშვილი მოსკოვში გააგზავნეს მას შემდეგ რაც ჟურნალისტმა გიორგი გაბუნიამ რუსეთის პრეზიდენტს დედა აგინა. და რაც მთავარია, მამაცაშვილი მოსკოვში გაუშვეს საპრეზიდენტო არჩევნების მეორე ტურის წინ, როცა “ოცნებას” პოლიტიკურად ყველაზე მეტად გაუჭირდა.
ტელეკომპანიის ხელშია 117 ფრენის დამადასტურებელი დოკუმენტები.
კომენტარები