საქართველოში 16 აპრილის შემდეგ, კორონავირუსის რეკორდული მაჩვენებელი დაფიქსირდა. ბოლო 14 საათში ვირუსით 38 ადამიანი დაინფიცირდა.
ვირუსის გავრცელების ასეთი დინამიკა ინფექციონისტთა ნაწილს ეჭვს უჩენს, რომ ჩვენს ქვეყანაში კორონავირუსის მეორე ტალღა უკვე დაიწყო. ამის შესახებ „პრაიმტაიმნიუსთან“ საუბრისას ინფექციონისტმა ირაკლი ხმალაძემ განაცხადა.
„ჩვენ შეგვიძლია, ქვეყანაში არსებულ ვითარებას მეორე ტალღა დავარქვათ, რადგან ასეთი რაოდენობა ბოლო თვეების განმავლობაში ჯერ არ ყოფილა. მთავარი არის, რომ ჯანდაცვის სისტემას ეყოს პაციენტების მიღების რესურსი და პაციენტების ზოგადი მდგომარეობა არ იყოს მძიმე.
იმ შემთხვევაში, თუ ინფიცირებული ადამიანი ასე თავისუფლად იპარპაშებს ჯანმრთელ ადამიანებთან ერთად, ეს არასახარბიელო შედეგს მოიტანს. შესაძლოა, ერთმა ადამიანმა 10 ადამიანი დააინფიციროს, ამიტომ რეკომენდაციების დაცვას რამხელა მნიშვნელობა ენიჭება, ხვდებით“
კომენტარები