ლისის გზაზე მომხდარი ავტოსაგზაო შემთხვევაში ბრალდებული პატრულის თხოვნით, ადვოკატი სასამართლოზე გირაოს სანაცვლოდ გათავისუფლების შეუამდგომლობას არ დააყენებს. ამის შესახებ ბრალდებულის ადვოკატმა განაცხადა.
„მისი პოზიცია ასეთი გახლავთ, ის საერთოდ არ აპირებს ბრალდების მხარის შუამდგომლობას პატიმრობასთან დაკავშირებით ოპონირება გაუწიოს. თუ სასამართლო მიიჩნევს, რომ ნაკლებად მკაცრი აღკვეთის ღონისძიება უნდა გამოიყენოს, ეს მისი ნებაა, რასაც ნაკლებად ველოდებით”,- განაცხადა ადვოკატმა. მას აღკვეთის ღონისძიების სახით პატიმრობა უკვე შეეფარდა.
შემთხვევა 30 აგვისტოს მოხდა. ლისის ტბის მიმდებარე ტერიტორიაზე პატრულ-ინსპექტორი 12 წლის მოზარდს დაეჯახა. გოგონა საავადმყოფოში გარდაიცვალა.
კომენტარები