პარლამენტარი, ხათუნა ხოფერია, სოციალურ ქსელში, წერს:
“ასეა, ადამიანები უშვებენ შეცდომებს… ან მიზანმიმართულად ასრულებენ დავალებებს და ადრეულ ასაკში “ იტრუპებიან”.. რა თქმა უნდა, პოლიტიკურად.
სანამ კონკურენტს აირჩევ, მისი +_ ები უნდა ჩამოწერო.. ნუუ… გაიაზრო მაინც. გია ვოლსკი – ის იშვიათი გამონაკლისია “ ქართული ოცნების” , მსუბუქად რომ ვთქვა, მიუღებელი შემადგენლობიდან, ვინც, უბრალოდ, უყვართ! პატივს სცემენ! ემადლიერებიან! მოსწონთ!
ვოლსკის ვერ უფრიალებენ კომპეომატებს, ვერ უშავებენ წარსულს, ვერ ესაუბრებიან მაღალ ტონალობაში.
ვოლსკი თავისი სამაჟორიტარო ოლქის ორგანული ნაწილია.
24-ე სკოლელი, პლეხანოვ- ვორონცოველი, უბრალოდ, კარგი თბილისელი ბიჭის სახელით, რომელიც არასოდეს აფრენილა ისე, რომ ზემოდან დაეხედა თავისი წარსულისთვის.. ამას კი, თბილისი აფასებს!
გია კარგი პარლამენტარია. აქტიური, დამაჯერებელი, უღალატო, ყურადღებიანი. მიკლედ, ერთ- ერთი გაწონასწორებული აკრობატია პოლიტიკაში. მისი დღევანდელი სამაჟორიტარო – ჩუღურეთი- არის სრული რეკონსტრუქციის, უდიდესი პროექტების, ლანშაფტს და ისტორიას მორგებული განვითარების ცენტრი!
ოცნების მიერ წარდგენილ 30 მაჟორიტარს შორის ვოლსკი იმ 5-ლშია პირველი, რომელსაც პირველსავე ტურში გარანტირებულ, დამაჯერებელ გამარჯვებას უწინასწარმეტყველებენ!…
ეს ისე, ექსპრომტად გაკეთებული ჩამონათვალი გიორგი ვოლსკის პლიუსების! ჰო და, ახლა ვფიქრობ, რატომ აირჩია არც თუ ისე უჭკუო ანა დოლიძემ საჯილდაოდ ასეთი პიროვნება?!…
რატომ აირჩია გარანტირებული დამარცხება?…
საარჩევნო ტექნოლოგიების ანი და ჰაეა ძლიერი კანდიდატისთვის ისეთი კონკურენტის ჩასმაა, რომელიც მის ხმებს დააჯდება, გაუყოფს და მესამე, თავისი მყარი ელექტორატის მქონე, კანდიდატის გასვლას შეუწყობს ხელს!
ანუ, ნაცხროვის რჩეულის წისქვილზე დაასხამს წყალს.
ნუუ.. მეორე ტურის ალბათობას მაინც შექმნის…
დიახ, ერთადერთი ლოგიკა ესაა…
მაგრამ, ასეც რომ მოხდეს, ვოლსკის დამაჯერებელი გამარჯვების პროცენტი იმდენად მაღალია, არ მგონია, ანა დოლიძემ ამდენი ხმის “ წართმევა” შესძლოს… დამაჯერებლობისთვის, გადახედეთ მისი ხმების რაოდენობებს წინა მცდელობებისას…
მოკლედ, ამდენი იმისთვის გავისარჯე, რომ თვალსაჩინო მაგალითით მეთქვა სხვა “ პადსტავნოი” კანდიდატებისთვის – ნუ იფუჭებთ თავს! გაუფრთხილდით ადამიანების თქვენდამი სიმპატიებს და მდობას!
თუ არა და, ეგერ, ვაშაძეც, თაკოც, ხაბეიშვილიც, ლაცაბიძეც, ობოლაშვილიც იყრის კენჭს… და რა მერე?!…”
შეგახსენებთ, დღეს ცნობილი გახდა, რომ ანა დოლიძემ თავისი კანდიდატურა იმ ოლქში წამოაყენა, სადაც ვოლსკი იბრძოლებს გამარჯვებისთვის.
კომენტარები