“არასერიოზული, ბრიყვი, იმეცადინოს წაკითხულიდან შინაარსის გამოტანაში” – რა ხდება პარლამენტში?

ფრაქცია “ნაციონალური მოძრაობის” თავმჯდომარე რომან გოცირიძე საგარეო საქმეთა მინისტრ ზალკალიანს პასუხობს:

“მორიგი არასერიოზული ბრიყვული თავის მართლებაა, როცა ამბობს საგარეო საქმეთა სამინისტრო ამ დოკუმენტში რურუას გვარი არ წერიაო, მაგრამ რომ წერია, რომ უნდა შეწყდეს მედიასაშუალებების მფლობელებზე დევნა? ვინ არის აქციონერი “მთავარი არხის”? მაინცდამაინც რურუა უნდა ეწეროს გვერდით?

რომ წერია, რომ 8 მარტის შეთანხმება შესრულებული არ არის? ანუ კვლავ არის ქვეყანაში პოლიტპატიმარი, როგორ უნდა გავიგოთ ეს? ელემენტარულად წაკითხულიდან შინაარსის გამოტანა არ შეუძლია “ქართული ოცნების” ლიდერებს და როგორც სჩანს, საგარეო საქმეთა მინისტრს, თუ მან ეს თქვა. ამიტომ სჯობს იმეცადინონ წაკითხულიდან შინაარსის გამოტანაში. წერია და გამგები ამას გაიგებს, თუ რა წერია. ეს არასერიოზული და ბრიყვული თავის მართლებაა.

თუ მთავრობას არ უნდა გაიგოს, მაშინ გააგებინებენ, არსებობს უამრავი სხვა მეთოდი, მათ შორის, პერსონალური სანქციები, რომლის შესახებ უკვე ალაპარაკდა აშშ- ის კონგრესი და დოკუმენტიც არის მიღებული. სამწუხაროდ, ჯერ პერსონალური სანქციების მუქარა არის თავდაცვის ბიუჯეტში ჩვენთვის დახმარების გაყინვის სახით, შემდეგ ეს გადაიზრდება იმ ადამიანზე პერსონალური სანქციების დაწესებაში, რომელიც უკანონოდ და კონსტიტუციის დარღვევით მართავს ქვეყანას”

ცნობისათვის, დავით ზალკალიანმა განაცხადა, რომ გიორგი რურუას საქმე ევროპარლამენტარების ანგარიშში ასახული არ არის.