თურქეთის სამართალდამცავმა ორგანოებმა სტამბოლის სასამართლოსთან გამართულ აქციაზე სულ მცირე 150 ადამიანი დააკავეს. დემონსტრანტები LGBTQ+ ორგანიზაციების წინააღმდეგ განხორციელებულ მასშტაბურ რეიდებსა და დაკავებებს აპროტესტებდნენ. პოლიციამ შეკრებილებს განცხადების გაკეთების საშუალება არ მისცა და ძალის გამოყენებით დაიშალა.
თურქეთში LGBTQ+ თემის წინააღმდეგ რეიდების სერია ოპერაცია „ჩემი ოჯახი უსაფრთხოდაას“ ფარგლებში მიმდინარეობს, რომელსაც ხელისუფლება ოჯახური ღირებულებებისა და ბავშვთა უფლებების დაცვით ხსნის. იუსტიციის მინისტრის აკინ გურლექის ცნობით, გამოძიება 15 პროვინციაში მიმდინარეობს და მოიცავს 162 ეჭვმიტანილს, 9 ასოციაციასა და 13 ბიზნესს.
უკვე დაკავებულია ათეულობით პირი, ხოლო ხელისუფლებამ დაბლოკა ორგანიზაციებისა და მედიასაშუალებების ვებგვერდები, მათ შორის Amnesty International-ის თურქეთის ფილიალის X-ის ანგარიში. მოვლენებს ევროსაბჭოს ადამიანის უფლებათა კომისარი მაიკლ ო’ფლაერტი გამოეხმაურა და განაცხადა, რომ „ოჯახური ღირებულებებით“ აპელირება ადამიანის უფლებების შეზღუდვას ვერ გაამართლებს.
კომენტარები