პანკისში მოკლული თემირლან მაჩალიკაშვილის მამას, მალხაზ მაჩალიკაშვილს ბიძინა ივანიშვილის გინებისთვის 1000-ლარიანი ჯარიმა დაეკისრა. – ინფორმაციას ,,მთავარი ამბები კახეთიდან” ავრცელებს.
გადაწყვეტილება ახმეტის მაგისტრატმა მოსამართლემ, თეონა კობიაშვილმა, თელავის რაიონულ სასამართლოში გამართულ პროცესზე მიიღო. სხდომას მალხაზ მაჩალიკაშვილი არ დასწრებია.
საქმე შსს-ს სიძულვილის ენის წინააღმდეგ ბრძოლის სამმართველოს მიერ გამოვლენილ სამართალდარღვევას უკავშირდება.
მალხაზ მაჩალიკაშვილი მსგავსი სამართალდარღვევისთვის ერთხელ უკვე დაჯარიმდა 2000 ლარით.
წინა შემთხვევაში საქმე ირაკლი ჩიმაკაძის მისამართით საჯარო სივრცეში გაკეთებულ შეურაცხმყოფელ კომენტარს ეხებოდა. მაჩალიკაშვილი აცხადებდა, რომ დაკისრებულ ჯარიმას არ გადაიხდიდა.
დღესვე სასამართლომ ბერდია ღუდაურის საქმეც განიხილა. მას გიორგი ფანგანის შეურაცხყოფას ედავებიან.
ღუდაურმა ფაქტი აღიარა და მოინანია, რის შემდეგაც 1500-ლარიანი ჯარიმა განესაზღვრა.
კომენტარები