“მოსამართლემ ბიძინა ივანიშვილის დავალება შეასრულა” – ბექა ბასილაია

მოსამართლე ეკა ბარბაქაძემ დავალება შეასრულა – ასე ეხმაურება გია ბარამიძისთვის აღკვეთის ღონისძიების სახით პატიმრობის შეფარდებას მისი ადვოკატი ბექა ბასილაია.

როგორც ბასილაიამ სხდომის დასრულების შემდეგ განაცხადა, სასამართლოს გადაწყვეტილებას არაფერი საერთო არ აქვს სამართალთან.

მოსამართლე ეკა ბარბაქაძეს თავიდანვე ვუთხარით, რომ ის დავალების შემსრულებელია, რაზეც სხდომის დასაწყისში ჰქონდა პროტესტი, თუმცა, სხდომის შემდეგ, როდესაც ვუთხარით, რომ დავალება პირნათლად შეასრულა, ის პირნათლად დაგვეთანხმა. ცხადია, რომ პოლიტიკურად მოტივირებულ საქმეებზე სასამართლო გადაწყვეტილებას იღებს არა სისხლის სამართლის კოდექსის მოთხოვნათა შესაბამისად, არამედ ბიძინა ივანიშვილისგან წამოსული დავალება სრულდება უსიტყვოდ. ჩვენ სხვა მოლოდინი არც გვქონია. არ შეიძლება არსებობდეს რაციონალური დასაბუთება იმის, რომ გია ბარამიძემ დანაშაული ჩაიდინა.  

მოსამართლეს არაფერი არ აუხსნია, მან თქვა, მიმალავის საფრთხე არ არისო, მაგრამ სხვა ორ საფრთხეს ვხედავო, მაგრამ ამ სხვა ორ საფრთხეს რაზე დაყრდნობით ხედავს, არ დაუსაბუთებია.

პროკურატურას ჰქონდა მხოლოდ პროპაგანდისტული ნარატივები, არგუმენტები და მტკიცებულებები არ ჰქონია. 

არანაირი მტკიცებულება არ აქვთ, მაგალითად ბრალში წერია, რომ საქართველოს საერთაშაროსი იმიჯს შეექმნა საფრთხე. ეს პროკურორმა უნდა შეაფასოს? მაგალითად საგარეო საქმეთა სამინისტროს ჰკითხეს რამე? ამბობენ, რომ ჯარში პატრიოტული სულისკვეთება შესუსტდაო გია ბარამიძის განცხადების გამო, ასეთი აბსურდს და სისულელეს ამბობენ.

საქმეში დევს იმ ადამიანებსი ჩვენებები, რომელთა ჩვენებებიდან ირკვევა, რომ გია ბარამიძის მიმართ აქვთ ნეგატიური განწყობები. 

პროპაგანდისტულად აიტაცეს ეს თემა და მოღალატე ხელისუფლებას უნდა უკან შემოგვიტრიალოს. გია აქტიურობს და გიას პოლიტიკური ფიგურა ყელში ეჩხირებოდათ”, – განაცხადა ადვოკატმა ბექა ბასილაიამ. 

თბილისის საქალაქო სასამართლომ ენმ-ს ლიდერს, დაკავებულ გიორგი ბარამიძემ აღკვეთის ღონისძიებსი სახით 2 თვიანი, წინასწარი პატიმრობა შეუფარდა – გადაწყვეტილება მოსამართლე ეკა ბარბაქაძემ გამოაცხადა.

სხდომაზე ოპოზიციონერი პოლიტიკოსის მიმართ პატიმრობას ბრალდების მხარე ითხოვდა.

პროკურატურამ გიორგი ბარამიძეს ბრალი საბოტაჟის მუხლით წარუდგინა და აღკვეთის ღონისძიებად პატიმრობას მოითხოვს.

პოლიტიკოსის დაკავების საბაბად საგამოძიებო ორგანო  ივლისში იაგო ხვიჩიას გადაცემა „საქართველოს დაბადებაში“ აფხაზეთის ომის შესახებ გაკეთებული განცხადებას ასახელებს.