“არ დახუჭოთ თვალი და არ შეეგუოთ” – ზურაბიშვილი მშობლებს

საქართველოს მეხუთე პრეზიდენტმა. სალომე ზურაბიშვილი,  სასკოლო ფორმებთან დაკავშირებით ისაუბრა და დაწყებითი კლასის მოსწავლეების მშობლებს მოუწოდა არ დახუჭონ თვალი და არ შეეგუონ.

კორუფცია ამ შემთხვევაში, ალბათ, არის იმიტომ, რომ ყველაფერში არის. აქ მიუღებელი ის არის, რატომ უნდა შეიკეროს ფორმები ჩინეთში, თუ ფორმები საჭირო არის, ნუთუ სამკერვალოები აღარ არის საქართველოში, ნუთუ არ გვინდა, რომ ხელი გავუწოდოთ სწორედ იმ დაწესებულებებს, კომპანიებს, სადაც მუშაობენ ქართველები და შეიძლება ამით მაინც ვიღაცას დავეხმაროთ. რატომ არ უნდა იყოს ეს თავისუფალი არჩევანი მშობლების, რომ როგორი ფორმა – მივცეთ მოდელი და ყველამ შეიკეროს, ბევრს შეუძლია ჯერ კიდევ, თვითონ შეიკეროს ფორმა. მე მახსოვს ჩემი ბავშვობიდან, რომ ეს იყო ფორმა მიღებული ევროპაში, რომ თუ საჯარო სკოლაში ფორმა იყო, არჩევანი იყო მშობლების, რომ თვითონ შეეკერათ, ან ეყიდათ, ყოველ შემთხვევაში არა უცხო ქვეყანაში.

სხვა საკითხია, რა ხარისხისაა, ეს სინთეტიკური ფორმები რამდენად არის მისაღები, თუნდაც ჯანმრთელობის და უსაფრთხოების კუთხით, ესეც გასარკვევია. 

მე მშობლებს მოვუწოდებდი, რომ ამაზე არ დახუჭოთ თვალი და არ შეეგუოთ ყველაფერს, რასაც გეუბნებიან, რასაც გთხოვენ და რისთვისაც კიდევ ერთხელ გემუქრებიან ჯარიმებით,” – განაცხადა სალომე ზურაბიშვილმა.