9 დაღუპული და 28 დაშავებული – ასეთია რუსული ძალების მიერ კიევზე ბალისტიკური რაკეტებით განხორციელებული მასშტაბური იერიშის შედეგები.
ინფორმაციას უკრაინული მედია ავრცელებს. რუსების იერიშის შედეგად დაშავებულებს შორის ოთხი ბავშვია.
უკრაინის სახელმწიფო საგანგებო სიტუაციების სამსახურის განცხადებით, რუსების თავდასხმის შემდეგ ქვეყნის დედაქალაქის ხუთ რაიონში ხანძარი გაჩნდა და შენობები ჩამოინგრა.
საგანგებო სიტუაციების სამსახურის ცნობით, კიევის სოლომენსკის რაიონში ხუთსართულიანი საცხოვრებელი შენობა ნაწილობრივ ჩამოინგრა. დარნიცკის რაიონში ხანძარი ადმინისტრაციულ შენობასა და ავტომობილებს გაუჩნდა. ასევე, პეჩერსკის რაიონში ოთხი კერძო სახლი დაზიანდა.
კომენტარები