“კუბლაშვილის მთავარი „სენსაცია“ ის ყოფილა, რომ ნატა ვიბლიანი თურმე 50 000 ევროს ითხოვდა” – იაკობ ჯანგავაძე

მარკეტერი, იაკობ ჯანგავაძე:

ყველა სააგენტოზე ეს მხვდება და მარიამ კუბლაშვილის მთავარი „სენსაცია“ ის ყოფილა, რომ ნატა ვიბლიანი თურმე 50 000 ევროს ითხოვდა.

ლოგიკა მესმის,

როცა ამ საშინელ ისტორიებს ვერაფერს უხერხებ და მხარდაჭერა ნატა ვიბლიანის მხარეს გაცილებით დიდია, ყურადღება ფულზე უნდა გადაიტანო და ეჭვები გააჩინო.

რაც შეეხება ფულს,

დააშავა რამე ნატა ვიბლიანმა 50 000 ევროს მოითხოვნით?

საერთოდ, რაზე ვლაპარაკობთ? 50 000 ევრო კი არა, ამ ქალს წართმეული ბავშვობისთვის, დასახიჩრებული ახალგაზრდობისთვის, ემიგრაციაში დევნილობისთვის, მოპარული ჩვილისთვის და იმ ჯოჯოხეთისთვის, რაც გამოატარეს, მილიონები უნდა მოეთხოვა!

მორალური და მატერიალური ზიანის ანაზღაურება ელემენტარული სტანდარტია, როდესაც ადამიანს ცხოვრებას დაუნგრევ, ჯანმრთელობას წაართმევ და სოფლიდან გააგდებ,

მილიონებიც რომ მოითხოვოს, ეს არის მინიმალური კომპენსაცია იმ აუნაზღაურებელი ტკივილისთვის, რაც მიაყენეს.

კომპენსაციის მოთხოვნა არც „შანტაჟია“ და არც სენსაცია, ზიანის ანაზღაურების ელემენტარული ნორმაა, რომელსაც ყველა ცივილიზებული კანონმდებლობა ითვალისწინებს.

წართმეულ ბავშვობასა და დასახიჩრებულ ცხოვრებაზე პასუხისმგებლობა მხოლოდ ციხის გისოსებით არ განისაზღვრება. ამ პასუხისმგებლობას აქვს მატერიალური ფასიც და ნატა ვიბლიანს აქვს სრული მორალური თუ სამართლებრივი უფლება, ეს პასუხისმგებლობა ბოლომდე მოითხოვოს.

ამიტომ, კი, ითხოვს და მეტიც უნდა მოითხოვოს!