,, მართლა სხვანაირი გახდა ეს ქვეყანა მას შემდეგ, რაც 2 საათის წინ ფეისბუქ პოსტის გამო ვახო სანაია დაიჭირეს” – ბექა ყორშია

ჟურნალისტი ბექა ყორშია სარკასტულ პოსტს აქვეყნებს:

,,გასაგებია ხელისუფლების კრიტიკა, მაგრამ რეალობას უნდა ჩავხედოთ თვალებში.

ქუჩაში ხალხი უფრო ბედნიერი და გაღიმებული დადის, შეიძლება თქვენც ამჩნევთ და ეს უნდა აღიაროთ. ცოტა ხნის წინ მარკეტში შევედი და მოლარემ მითხრა, ბედნიერ დღეს გისურვებთ და ეს ჩემგანო – ჩუპა-ჩუპსი გამომიწოდა. ბენზინგასამართი სადგურის თანამშრომელი კიდე თან ბენზინს მისხამდა და თან თბილისოს ღიღინებდა. ბოლოს მითხრა, ალბათ, ჩვენი ბარათი არ დაგჭირდებათო. არა, რა ბარათი-მეთქი, ჩამეღიმა. აფთიაქში მითხრეს, დღეიდან იმ მედიკამენტს, რომელსაც მუდმივად იყენებთ, 250%-იანი ფასნამატით აღარ მოგასაღებთ და 120 ლარის ნაცვლად, 17 ლარად იყიდითო.

მოკლედ, მართლა სხვანაირი გახდა ეს ქვეყანა მას შემდეგ, რაც 2 საათის წინ ფეისბუქ პოსტის გამო ვახო სანაია დაიჭირეს

მადლობა!”