კოალიცია “ცვლილებისთვის” ერთ-ერთი ლიდერი, დაკავებული პოლიტიკოსი ელენე ხოშტარია წერს:
რუსეთმა რამდენჯერმე სცადა ჩვენი ბრძოლის “მომთავრება“. პირველი მცდელობა იყო 2024 წლის ნოემბერ-დეკემბრის ძალადობა, ქიმიური იარაღის გამოყენება. მიუხედავად იმისა, რომ მასშტაბი შემცირდა, პროტესტი ვერ „მოამთავრეს“, მეტიც, თავადაც დაზიანდნენ. შემდეგ სცადეს ლიდერების დაპატიმრებით და რეპრესიული კანონებით „მომთავრება“. დაგვაზიანეს, მაგრამ ვერც ოპოზიცია გააჩერეს, ვერც ხალხი.
ახლა აქვთ „მომთავრების“ მესამე მცდელობა – ისევ დაჭერებით, პარტიების აკრძალვით. ამ ტალღას გაცნობიერებულად უნდა შევხვდეთ და არა მხოლოდ პათეტიკური განცხადებებით, რომ ვერ გაგვტეხენ. მეტი მოგვეთხოვება, ვიდრე ვერ გატეხვა.
ამ ტალღას უნდა შევხვდეთ არა მხოლოდ სწორი რეაქციით, არამედ მოქმედებების განახლებით. კონკრეტულად:
1. უნდა ვაღიაროთ, რომ ინტეგრაციული პროცესების დაწყების მიუხედავად, წაგვძლია სისუსტეებმა და ოპოზიცია გაჩერდა. ამიტომ, ვაღიაროთ, დავხუროთ ეს ფურცელი და გადავიდეთ მოქმედებაზე.
2. მიუხედავად პროტესტის უწყვეტობისა, თანამშრომლობის ხარისხი გასაუმჯობესებელია საზოგადოებრივ ჯგუფებშიც.
3. უნდა შევქმნათ პოლიტიკურ-საზოგადოებრივი მოქმედების ერთობლივი სივრცე და შემოდგომისთვის მოვამზადოთ პროტესტის და საერთაშორისო ზეწოლის ტალღა.
ამ ყველაფრისთვის ყველა პროდასავლურ პარტიას და საზოგადოებრივ ჯგუფს გავუზიარებ ჩემს გეგმას, არა ზოგადს, არამედ კონკრეტულ სამოქმედო პუნქტებს. აღნიშნულ პუნქტებს ჯერ სამუშაო რეჟიმში, ძალიან მალე კი, საჯაროდ გაგაცნობთ.
გეგმა შედგება შემდეგი პუნქტებისგან:
1. ანგარიში ხალხს
2. ხალხის ხმა
3. რა შეგვიძლია – მომავლის ხედვა
4. ამხილე სისტემა
5. საგარეო გარღვევა – ევროპაში საქართველოს დროა
6. “თავისუფალი არჩევნები” – წერს ელენე ხოშტარია.
კომენტარები