“იყო მუშტების ბრახუნი მაგიდებზე, ომის მოთხოვნით” – მდინარაძე აშშ–ის წინა ადმინისტრაციას სდებს ბრალს

ქართული ოცნების ლიდერი, მამუკა მდინარაძე, ამჯერად აშშ–ის წინა ადმინისტრაციას სდებს ბრალს, რომ ის ითხოვდა ქვეყნის ომში ჩართვას:

„კელი დეგნანმა უწოდა კანონის მიღებას დემოკრატიის შავი დღე. დედას ხომ არ შეიგინებოდა? ხალხი პირდაპირი გაგებით ლამის ცემაზე გადმოვიდა. ოთახებში იყო მუშტების და ხელების ბრახუნი მაგიდებზე, ომის მოთხოვნით.

ვინ ეკითხებოდა კელი დეგნანს, ან რომელიმე ელჩს? ვინ ეკითხება რაღაც კანონის შეფასებას დემოკრატიის შავ დღედ? დიახ, აშშ-ის წინა ადმინისტრაციის ხელმძღვანელები, წარმომადგენლები, უხეშად და  ვერბალურ ტერორიზმთან გათანაბრებული ფორმით ერეოდნენ საქართველოს და არა მხოლოდ საქართველოს შიდა საქმეებში. წინა ადმინისტრაციის დავალებით მოქმედებდა და ეს იყო პოლიტიკური ტერორი საქართველოზე“