ყველის მწარმოებელთა ასოციაციის თავმჯდომარე, ანა მიქაძე-ჩიკვაიძე, რადიო პალიტრასთან, შვილის უმძიმეს მოწამვლას იხსენებს და ამბობს:
„ჩემი ვაჟი, რომელიც ისედაც რთულია თავისი ჯანმრთელობის მდგომარეობით, დაემართა სტაფილოკოკური მოწამვლა ყველისგან. ერთ-ერთი, საკმაოდ ცნობილი ყველისგან. მტკივნეული თემაა, ჩემი შვილი, მეყველე ანა მიქაძის შვილი კვდებოდა ყველით. 4 დღე იყო კომაში, ძლივს გამოვგლიჯეთ სიკვდილს. იმდენი მისტიკაა მის გადარჩენასთან დაკავშირებით, ალბათ შევებრალე ღმერთს, რომ ჩემი ისედაც დატანჯული შვილი არ წასულიყო ასე უაზროდ ყველის ჭამით. ნაჩუქარი ყველი იყო, მას შემდეგ საერთოდ ნაჩუქარი ყველისკენ არ ვიხედები. ზუსტად თუ არ ვიცი როგორ მოწველა, რა ხელით მოწველა, რა ვედროში მოწველა, როგორ გააკეთა, არის თუ არა პასტერიზებული, როგორ შეფუთა, შემდეგ როგორ ინახებოდა… ყველაზე დიდი საფრთხის მატარებელი რძის პროდუქტი არის ყველი, იმიტომ რომ გადადის ბრუცელოზები, მასტიტები… სტაფილოკოკური არის ჭუჭყი, ანტისანიტარიისგან მიღებული სოკო, რომელიც ასევე მომაკვდინებელია… ეს რომ არ მოხდეს, ზუსტად უნდა ვიცოდეთ მოწველის პროცესიდან დაწყებული, ვიდრე ჩენამდე მოვა ყველი რა გზა გაიარა…“
კომენტარები