“როცა მითხრა ხმა ქოცებს მივეცი, აბა, რა ვქნა, ომის მეშინიაო, – იქ გადამიტრიალდა გონება”– რას წერს მამუკა გამყრელიძე

დიპლომატი, მამუკა გამყრელიძე:

ნაცნობი ქალბატონი შემხვდა ქუჩაში. გავისაუბრეთ, ცხადია პოლიტიკაც არ დავივიწყეთ. როცა მითხრა ხმა ქოცებს მივეცი, აბა რა ვქნა, ომის მეშინიაო იქ გადამიტრიალდა გონება. ცოტა უხეშადაც კი ვესაუბრე.

როგორ დაუშინებიათ ხალხი, რომ დღემდე “აბა, ომი გინდათ ?!” ჭრის. შევეცადე ამეხსნა, რომ უომრად მიაქვთ რუსებს საქართველო. უამრავი მსხვილი და მცირე ბიზნესი შეიძინეს და გახსნეს რუსებმა. იყიდეს აუარებელი უძრავი ქონება და მიწები. ასობით ათასი რუსი გადმოსახლდა თბილისსა და ბათუმში. ხელისუფლების პოლიტიკა ბოლომდე რუსების გავლენის ქვეშ არის. რაღაში სჭირდებათ რუსებს ომი ? უომრად ვთმობთ ქართველები ყველაფერს. უპირველეს ყოვლისა ვთმობთ და საკუთარი ხელი ვანგრევთ ასე სიმწრით ნაშენებ სახელმწიფოს და სისხლით მოპოვებულ სუვერენიტეტს.

რომ არა რუსების მიერ ოკუპირებული ჩვენი ტერიტორიები მათი ფულის აქეთ გადმოსროლას და ახალგაზრდების ჩამოსვლას მე სიხარულით შევხვდებოდი, მაგრამ ახლა ეს მცოცავი ოკუპაციის და რუსული რბილი ძალის ნაწილია, შესაბამისად ეს არის საფრთხე ! განსაკუთრებით როცა აღარ გყავს აღარც ქმედითი ჯარი, აღარც კონტრდაზვერვა და პოლიციაც სრულიად პოლიტიზირებული დგას ხელისუფალის სამსახურში.

ეშინიათ ქართველებს ომის. ომის და არა სახელმწიფოს და სუვერენიტეტის დაკარგვის !