მასაჩუსეტის უნივერსიტეტის პროფესორი, ზურაბ გურული:
გაივლის რამდენიმე კვირა და ამაყი მშობლები საჯაროდ გამოაქვეყნებენ ქვეყნის შინ და გარეთ, უმაღლეს სასწავლებლებში ჩარიცხული შვილების მიღწევებს. მერე მოვა სექტემბერი და ახალგაზრდები შეუდგებიან სწავლას.აქვთ კი ან მშობლებს, ან შვილებს გააზრებული თუ რას ისწავლიან და რამდენად გამოადგებათ ნასწავლი?როდესაც ილიაუნის გაუქმებული პროგრამების სიას გადავხედე, თვალში მომხვდა საფრანგეთმცოდნეობა, გამოყენებითი გერმანისტიკა, ევროპათმცოდნეობა და ა.შ.შემაჟრჟოლა, როცა წარმოვიდგინე ამ პროგრამების კურსდამთავრებულთა შემდგომი ბედი …2021-2025 წლებში ჩინურმა უნივერსიტეტებმა 12 200-ზე მეტი პროგრამა გააუქმეს. გაუქმებული პროგრამების აბსოლუტური უმრავლესობა წარმოადგენდა ხელოვნების, უცხო ენების და ზოგადად ჰუმანიტარული საგნების შემსწავლელ კათედრებს.ეს პროგრამები ჩანაცვლებული იქნა 10 200 ახალი პროგრამით, რომლებიც შეისწავლის რობოტიკას, კომპიუტერულ მეცნიერებებს და ხელოვნური ინტელექტის გამოყენებას.ეროვნული განათლების დიგიტალიზაციის, ანუ გაციფრულების დოქტრინის თანახმად, ყველა უმაღლეს სასწავლებლებში სავალდებულო გახდა ხელოვნური ინტელექტის ჩართვა სასწავლო პროცესში. პედაგოგებს უტარდებათ შესაბამისი სავალდებულო წვრთვნა.მსოფლიო კატასტროფული სისწრაფით იცვლება; ასობით სხვადასხვა პროფესია მალე აბსოლუტურად უსარგებლო გახდება. აქვს რაიმე ჩამოყალიბებული ხედვა და სტრატეგია ქართული განათლების მესვეურებს ამ საკითხთან დაკავშირებით?ვაცნობიერებთ თუ არა იმ ფაქტს, იმის გამო, რომ ყოვლად უსარგებლო საგნების პროფესურას მინიმალური შემოსავალი ჰქონდეს, ათასობით ახალგაზრდას ვწირავთ უმუშევრობისათვის?პატივცემულო ახალგაზრდებო და მშობლებო, გაითვალისწინეთ არსებული რეალობა, თვალი შეავლეთ თქვენს პარლამენტს, სახელმწიფო ინსტიტუტებს, მათ წარმომადგენლებს; გაიაზრეთ რა კონტექსტში გიწევთ არსებობა და დაფიქრდით, სანამ სპეციალობას შეარჩევთ. არავინ იფიქრებს თქვენს ნაცვლად.მსოფლიო კოსმოსური სისწრაფით იცვლება და ამ დროს გაცდენილი წლები დეკადებით ჩამოგარჩენთ პროგრესს.იფიქრეთ .
კომენტარები