,,სოციალურმა მედიამ შვა კლავიატურის ლომები და ტახტრევნის გენერლები, რომლებმაც ჩათვალეს, რომ დაუსჯელად შეუძლიათ, ბილწსიტყვაობით დააბინძურონ გარემო” – ლაშა ნაცვლიშვილი

ყოფილი მაღალჩინოსანი ლაშა ნაცვლიშვილი:

,,ადამიანები უნდა შეეჩვიონ აზრს, რომ ყველაფერს აქვს ფასი. უფრო სწორად, კი არ შეეჩვიონ, გაიხსენონ, რადგან სოციალურმა მედიამ შვა კლავიატურის ლომები და ტახტრევნის გენერლები, რომლებმაც ჩათვალეს, რომ დაუსჯელად შეუძლიათ, ბილწსიტყვაობით დააბინძურონ გარემო და შეურაცხყონ ადამიანები. სოცმედიამდელი ქართველი კარგად უწყოდა, რომ ბილწ სიტყვას, მაღალი ალბათობით, საპასუხო მუშტი მოჰყვებოდა ღრანჭში და ამიტომ “ფილტრავდა ბაზარს”. სოცმედიამ ამ პასუხისმგებლობის ატროფია გამოიწვია და ძალიან კარგი, რომ სახელმწიფომ ამ სფეროს მკაცრი რეგულირება დაიწყო.

არავინ არავის კრიტიკას არ ზღუდავს, – ჩაეტიეთ ეთიკის ნორმებში და უბატონოდ ხმას ვერავინ გაგცემთ.

ისე, სასჯელის გარდაუვალობის ფონზე გინებას აქვს ფასი და ასეთ გინებას სჭირდება გამბედაობა, თორემ მუქთად აგერ, ევროკავშირიც იწყევლება”