გლდანის ციხესთან გიორგი (გოგი) ჩახუნაშვილის სოლიდარობის აქცია მიმდინარეობს. შეკრება დაკავებული აკადემიკოსის, ექიმის შვილებმა დააანონსეს.
ადგილზე იმყოფებიან დაკავებული ექიმის ახლობლები, თეთრხალათიანები და გიორგი ჩახუნაშვილი პაციენტები.
სოლიდარობის აქციიდან აკადემიკოსს შვილებმა მიმართეს და თქვეს, რომ ყველაფერს გააკეთებენ, რათა ის და სხვა პატიმრები მალე დაიხსნან ციხიდან.
“მამა მოგიკითხავ, მხნედ იყავი, კარგად იყავი. იცოდე, რომ არც შენ და არცერთ პოლიტიკურ ტყვეს არ დავტოვებთ ციხეში ამდენი ხანი. როგორც ვიცი, საკანში არის უკვე და შესაბამისად მინდოდა ეს პირდაპირი ეთერი გამომეყენებინა ამისთვის. მხნედ არის, თვითონ არის უკვე მესამე საკანში, მეორე შენობაში და მადლობა მას ასეთი თავდადებისთვის, მხნეობისთვის და იქიდან ციხიდანაც ჩვენ რომ გვამხნევებს. იცოდე, რომ ბევრი ადამიანი გიდგას გვერდში და ყველას უყვარხარ,” – ამბობს კონსტანტინე ჩახუნაშვილი.
“პირველ რიგში გამაგრდი მამა, იმდენმა ადამიანმა გამოგიცხადა სოლიდარობა, არ ვიცი რამდენად გაქ საშუალება, რომ ამას ხედავდე შენ იმიტომ, რომ ზოგი ტელევიზორში გამოხატავს ამ სოლიდარობას, ზოგი სოციალურ ქსელებში. იცოდე, მოსახლეობის უმეტესობა მხარს გიჭერს და წინააღმდეგი არიან, რომ შენ ამდენი ხანი ციხეში გაატარო. მაგრად იყავი და ყველაფერს ვეცდებით, რომ შენც და სხვა ტყვეებიც მალე დაგიხსნათ ციხიდან,” – თქვა დავით ჩახუნაშილმა.
ცნობისთვის, გიორგი ჩახუნაშვილი და კიდევ 6 პირი – ია დარახველიძე, დავით ჟღენტი, კონსტანტინე კოკაია, კახაბერ მჟავანაძე, ზაქრო ალბუთაშვილი და დავით სტურუა სასამართლომ დამნაშავედ ცნო და მათ 5–5 წელი მიუსაჯა.
კომენტარები