“ჯერ არც მკურნალ ექიმთან ყოფილა შეხვედრა” – ელენე ხოშტარია

პოლიტიკოსი, ელენე ხოშტარია, რომელიც ციხეში, კახა კალაძის საარჩევნო ბანერზე წარწერის დამატებისთვის ჩასვეს და რომლის ჯანმრთელობის მდგომარეობის გაუარესებაზე ინფორმაცია ბრიფინგზე ადვოკატმა შოთა თუთბერიძემ გაავრცელა, სოციალურ ქსელში, წერს:

რა თქმა უნდა, ახალი არ არის ამ რეჟიმის პირობებში, როდესაც სიმართლის მთქმელ ადამიანს თავს ესხმიან, მაგრამ მაინც გასაოცარია, თუ რა ადვილად იტყუება ადამიანი, როდესაც თავის დაძვრენას ცდილობს. საცოდავი საყურებელია.

ხაზგასმით მინდა ვთქვა, რომ პასუხს ვაგებ ყველა სიტყვაზე, რომელიც შოთამ ბრიფინგზე თქვა. რეჟიმთან რაიმე დისკუსიაში შესვლის კი, არანაირი სურვილი არ მაქვს.

და ბოლოს, მეგობრებო, როგორც გუშინ შეგატყობინეთ, ბრიფინგის შემდეგ ჩემთან იყო კომუნიკაცია ციხის ადმინისტრაციის მხრიდან. ჯერ არანაირი კონკრეტული ნაბიჯები არ გადადგმულა, არც მკურნალ ექიმთან ყოფილა შეხვედრა, მაგრამ დამპირდნენ რომ იქნება. როგორც კი მკრუნალობის რეალური გეგმა შედგება, რა თქმა უნდა, საზოგადოებას ვაცნობებ.