ენმ–ის ერთ–ერთი ლიდერი, ლევან სანიკიძე, სოციალურ ქსელში, წერს:
ან ეს დაჯარიმებული კაცი ვინაა? ან რა საჩივარი შევიტანე? ვის რაში სჭირდება თქვენი დაცვა? მართლა გარეკილი აქვთ.
ივანიშვილის რეჟიმის მაღალჩინოსნების დავალებით არიან მოსეულები თქვენი პარტაქტივი, ტროლები და ბოტები ჩემზე და ჩემს ოჯახზე, მაგრამ ვერაფერს დაგვაკლებთ.
თქვენ თვითონ ხართ საქართველოს ერთი დიდი შეურაცხყოფა და ღმერთმა დამიფაროს ოდესმე ჩემი ღირსება თქვენი დასაცავი გახდეს.
Facebook-ზე „ერთიანი ნაციონალური მოძრაობის“ თავმჯდომარის მოადგილის, ლევან სანიკიძის შეურაცხყოფის მიზეზით მოქალაქე გია კაჭკაჭური სასამართლომ 2000 ლარით დააჯარიმა. გადაწყვეტილება მოსამართლე მანუჩარ ცაცუამ გამოაცხადა.
საუბარია სამთავრობო ტელევიზია „იმედის“ მიერ გამოქვეყნებულ ქარდზე დაწერილ კომენტარზე.
„იმედმა“ 4 ივნისს გამოაქვეყნა ლევან სანიკიძის ქარდი ციტატით – სანიკიძე: „ქართულ ოცნებას” რუსეთისგან აქვს სამი დავალება: არა „ნატოს”, არა ევროკავშირს, არა მიშას“.
ქარდის კომენტარში გია კაჭკაჭურის სახელითა და გვარით დაწერილია კომენტარი: „შე ***-თავა რატომ გაიფუჭე ბავშვობა და სულ და***ვდი. ან ამდენ გინებას როგორ იტან”.
მოქალაქის მიმართ სამართალდარღვევის ოქმი შედგა ადმინისტრაციულ სამართალდარღვევათა კოდექსის 166-ე მუხლის პირველი ნაწილის საფუძველზე, რაც გულისხმობს
საჯარო სივრცეში ლანძღვა-გინებას და ითვალისწინებს დაჯარიმებას 500 ლარიდან 3 000 ლარამდე ოდენობით ან ადმინისტრაციულ პატიმრობას 20 დღემდე ვადით.
სამმართველო, რომელიც საჯარო სივრცეში ნებისმიერი ტიპის კომუნიკაციაში სიძულვილის ენას გაუწევს მონიტორინგს, 10 თანამშრომლით ფუნქციონირებას 1 ივნისიდან შეუდგა. სამმართველოს ხელმძღვანელად თამთა ქიმბარიშვილი დაინიშნა.
კომენტარები