ჟურნალისტი, ზაზა დავითაია:
ძალიან ვწუხვარ.
დღეს ხელისუფლებამ კიდევ ერთი ხიდი ჩატეხა სამოქალაქო საზოგადოებასთან. ამას მართლა არ ველოდი-
პატიმარ გულბაათ რცხილაძეს გარდაცვლილ მშობელთან გამომშვიდობების საშუალება არ მისცეს; არც პანაშვიდზე და არც გასვენებაში არ მოიყვანეს…
ნაცების რეჟიმის დროსაც კი, ძალიან იშვიათად მომხდარა, რომ ციხიდან პატიმარი გარდაცვლილ ოჯახის წევრთან დასამშვიდობებლად არ მოეყვანოთ.მითუმეტეს, რომ გარდა იმისა, პატიმარი გულბაათ რცხილაძე სრულიად უდანაშაულოა, იგი ბუნებით არ არის სკანდალური და კანონდაუმორჩილებელი პიროვნება, რომ ან გაქცევა დაეპირებინა, ან აკაცუკური სკანდალი მოეწყო მამის ცხედართან.
2 კვირის წინ მისთვის წინასწარი პატიმრობის მისჯის სასამართლო პროცესი ამის ნათელი ნიმუშია:
მრავალრიცხოვანი გულშემატკივრების ადგილზე ყოფნის მიუხედავად, პროცესი სამაგალითო კანონმორჩილების ფარგლებში ჩატარდა – შენიშვნაც კი არავის დაუმსახურებია მანდატურებისგან!
თავის დროზე თვით ნაცებმაც, გარდაცვლილ მშობელთან დასამშვიდობებლად მიიყვანეს ირაკლი ბათიაშვილი, მაია თოფურია, სხვებიც.გულბაათის შემთხვევაში ვერც კი წარმოგვედგინა, რომ არ მოიყვანდნენ!
ისედაც, პატიმარი დათრგუნულია, რადგან მშობელი მასზე დარდს გადაყვა და ამ დროს დამშვიდობების, ცრემლის გამოშვების საშუალებასაც რომ არ მისცემ – ეს დიდ ანტიჰუმანურობასთან ასოცირდება.
ხელისუფლებისგან ასეთ უსულგულო დამოკიდებულებას არ შეიძლება მოეძებნოს არც განმარტება და არც გამართლება.
თანაც, უარი კი არ უთხრეს წაყვანაზე, პირიქით, შეპირდნენ! საკანში ამაოდ ალოდინეს, დრო გაუჭიანურეს, ისედაც გულჩაწყვეტილ მგლოვიარე პატიმარს.
არ ვიცი, ვინც კონკრეტულად მიიღო გადაწყვეტილება, პატიმარი გულბაათი მამის ცხედართან ბოლო ცრემლის გამოსადენად არ მიეშვა – მორწმუნეა თუ არა… მაგრამ ამ გადაწყვეტილების სირცხვილი მათ გამო მთელ ხელისუფლებას მოეცხო და “უსულგულო” შეერქვა.
სამყაროში ბუმერანგის პრინციპი მოქმედებს, ვინ იცის, ვის რა ხვედრს უმზადებს წუთისოფელი და ვინძლო, ამათაც იმ საწყაულით მიუწყას მამაზეციერმა, როგორითაც თვითონ მიუწყეს…მხნეობა ვუსურვოთ პატიმარ გულბაათ რცხილაძეს, ღმერთმა ანუგეშოს!
ღმერთმა უმოკლეს ვადაში მოულოდნელი გათავისუფლებით გაახაროს!
კომენტარები