“ხოდა, იცით რას გეტყვით, ქოცო ქალებო?!” – მაგდა მამუკაშვილი

სამოქალაქო აქტივისტი, მაგდა მამუკაშვილი:

ჯერ ხომ დახელფასებული და დასავლეთის აგენტი მეძახეს, ახლა ხან თამარა წულაია და ხან ნინუცა ონიანი (სიძულვილის ენის შემოქმედი ქოცები) წერენ ვიდეოებს ჩემზე, რომ მე ვარ ჯიბეგაღლეტილი ადამიანი, ბერას დაორგანიზებულ კონცერტზე ამიტომ ვერ მივდივარ და მშურს, ღირსი ვარ რომ სამსახური არ მაქვს და ისიც კი იკადრეს, რომ ეთქვათ, მაგას ბავშვები ჰყავს მშიერიო. აი რა იციან, ჩემი შვილები რას ჭამენ?!

ხოდა იცით რას გეტყვით, ქოცო ქალებო?! მე ამ ცხოვრებაში ყველანაირი ეტაპი გამივლია, გამივლია გაჭირვება, გამივლია დიდი წვალება, გამივლია პრივილეგირებული ცხოვრებაც და არ ყოფილა მიზანი, დამესახოს და არ მიმეღწიოს. არ არსებობს სურვილი, რომელსაც ვერ ავიხდენ, ეს მაქვს გააზრებული თავდაჯერებულად, რადგან მე მაქვს იშვიათი უნარები, რაც პროფესიონალ ადამიანს სჭირდება და ყველაფერს ჩემს ცხოვრებაში მივაღწიე ჩემით, ოღონდ მართლა ჩემით და არა თქვენი ბელადის შვილივით.

კი იმ მიზანსაც მივაღწევ, რომ თქვენს მიერ მხარდაჭერილი კრიმინალური ორგანიზაცია ჯერ დაემხობა და მერე აიკრძალება, აგეკრძალებათ თქვენც სიძულვილის ენის გავრცელება და მართლა საქმეს მონახავთ, რამეს გააკეთებთ, ეს მოგიწევთ, თუ ამ ქვეყანაში ცხოვრება გინდათ.

რაც შეეხება აქციაზე მდგარი ადამიანების რაოდენობას, თქვენ მაგაზე ნუ ინაღვლებთ, ყოველთვის საქართველოში რეპრესიების დროს ერთეულები იღებდნენ ხმას. 2024-ში დიდი აქციები იყო, მაგრამ კაბალური ჯარიმების, ტროტუარზე დგომის გამო დაჭერების, ძალადობის, შევიწროების, ტერორის, მუქარების, მიგზავნების წყალობით ხალხი დაშინდა, თორემ თქვენ კი არ შეუყვარდით, ან თქვენი უზრდელური და სიძულვილით სავსე საუბარი კი არ მოეწონათ?!

დღეს დავუწერე ერთს კომენტარად და აქაც გავიმეორებ, მწერალი ბევრი იყო, მაგრამ მიხელ ჯავახიშვილი დახვრიტეს, პოეტი ბევრი იყო, მაგრამ ტიციან ტაბიძე დახვრიტეს, რეჟისორი ბევრი იყო, მაგრამ სანდრო ახმეტელი დახვრიტეს, მხატვარი ბევრი იყო, მაგრამ პეტრე ოცხელი დახვრიტეს. არ მგონია ეს სახელები რამეს გეუბნებოდეთ, მაგრამ დაგუგლავთ, იმედია.