,, სამიტში ჩემი მონაწილეობა ნათლად აჩვენებს, რომ აზერბაიჯანსა და სომხეთს შორის მშვიდობა რეალობაა” – ალიევი

ჩვენ მშვიდობა მხოლოდ ცხრა თვეა გვაქვს და ჯერ კიდევ ვსწავლობთ მშვიდობიან ცხოვრებას, – აზერბაიჯანის პრეზიდენტმა ილჰამ ალიევმა სომხეთში მიმდინარე ევროპული პოლიტიკური გაერთიანების სამიტზე ვიდეო ფორმატით სიტყვით გამოსვლისას განაცხადა.

„ევროპის საბჭოს პრეზიდენტის, ანტონიო კოშტას აზერბაიჯანში ვიზიტის დროს განვიხილეთ ჩემი მონაწილეობა სამიტში და შევთანხმდით, რომ ვიდეო ფორმატით შევუერთდებოდი. ასევე მინდა აუდიტორიას ვაცნობო, რომ ერთი წლის წინ, პრეზიდენტ კოშტასთან და პრეზიდენტ ურსულა ფონ დერ ლაიენთან შეხვედრისას, მათ მკითხეს ჩემი აზრი სამიტის 2026 წლის მაისში სომხეთში ჩატარების იდეასთან დაკავშირებით. მე მხარი დავუჭირე ამ ინიციატივას და, თავის მხრივ, შევთავაზე შემდეგი სამიტებიდან ერთ-ერთის აზერბაიჯანში ჩატარება დაბალანსებული მიდგომის შესანარჩუნებლად. წინადადება მიღებული იქნა და ამიტომ, წევრებს 2028 წლის მაისში აზერბაიჯანში ვპატიჟებ. სხვათა შორის, სომხეთმაც დაუჭირა მხარი ჩვენს კანდიდატურას. ეს ნათლად აჩვენებს, რომ აზერბაიჯანსა და სომხეთს შორის მშვიდობა რეალობაა“, – განაცხადა ალიევმა.

მისი თქმით, როგორც სომხეთი ისე აზერბაიჯანი უკვე ხედავენ მშვიდობის პრაქტიკულ სარგებელს.

,,სამიტში ჩემი მონაწილეობა ნათლად აჩვენებს, რომ აზერბაიჯანსა და სომხეთს შორის მშვიდობა რეალობაა” – თქვა ალიევმა

ამასთან, ალიევმა მადლობა გადაუხდა ევროკომისიას სომხეთ-აზერბაიჯანის სამშვიდობო პროექტთან დაკავშირებით გამოხატული პოზიციისთვის

,,ჩვენ მშვიდობა მხოლოდ ცხრა თვეა გვაქვს და ჯერ კიდევ ვსწავლობთ მშვიდობიან ცხოვრებას. მას შემდეგ, რაც დე ფაქტო მშვიდობა დამყარდა,აზერბაიჯანმა მოხსნა ყველა სატრანზიტო შეზღუდვა სომხეთის მიმართ. მშვიდობის კიდევ ერთი მიღწევა არის დაკავშირებადობა, ტრამპის მარშრუტი დააკავშირებს აზერბაიჯანს მის ექსკლავთან, ნახიჩევანთან, და ამასთან ერთად ეს მარშრუტი შუა დერეფნის ნაწილიც გახდება.

როგორც სომხეთი ისე აზერბაიჯანი უკვე ხედავენ მშვიდობის პრაქტიკულ სარგებელს. მინდა, ამ შესაძლებლობით ვისარგებლო და მადლობა გადავუხადო ევროკომისიას სომხეთ-აზერბაიჯანის სამშვიდობო პროექტთან დაკავშირებით გამოხატული პოზიციისთვის, – განაცხადა ალიევმა.