რა წერია რუსეთზე, ტრამპის 2026 წლის აღმასრულებელ ბრძანებაში? – “ასეთი მძიმე ტერმინი კარგა ხანია არ გამოყენებულა, ლამის რეიგანის შემდეგ”

ყოფილი პარლამენტარი, ირაკლი მელაშვილი:

„კუბის მთავრობამ მიიღო საგანგებო ქმედებები, რომლებიც ზიანს აყენებენ და საფრთხეს უქმნიან შეერთებულ შტატებს. რეჟიმი ალიანსშია და მხარს უჭერს მრავალ მტრულ ქვეყანას, ტრანსნაციონალურ ტერორისტულ ჯგუფებს და შეერთებული შტატების მოწინააღმდეგე მავნე აქტორებს, მათ შორის რუსეთის ფედერაციის მთავრობას (რუსეთი), ჩინეთის სახალხო რესპუბლიკას (PRC), ირანის მთავრობას, ჰამასს და ჰეზბოლას.“

ამ დოკუმენტით, უკვე ოფიციალურად, ამერიკისთვის რუსეთი ტერორისტულ და მტრულ სახელმწიფოდ არის გამოცხადებული. ასეთი მძიმე ტერმინი კარგა ხანია არ გამოყენებულა, ლამის რეიგანის შემდეგ, ოღონდ იმდროინდელი დოკუმენტები ფორმალურად რუსეთს არ ეხებოდა, იმ დროს საბჭოთა კავშირი იყო. 2014 წლიდან უკრაინაში აგრესიის შემდეგ ეროვნული უსაფრთხოების სტრატეგიებსა (NSS) და პრეზიდენტების აღმასრულებელი ბრძანებებში (Executive Orders), რუსეთი პირდაპირ მოხსენიებოდა როგორც აგრესორი, მოწინააღმდეგე (adversary) ან საფრთხე აშშ-ის ეროვნული უსაფრთხოებისთვის, ამჯერად გაჭრილად გამოცხადდა, რომ აშშ-სთვის რუსეთი არის მტრული სახელწმიფო.

მესმის, რომ საქართველოში პოლიტიკურ დოკუმენტებს ნაკლებად ანიჭებენ მნიშვნელობას. ეს ჩვენი ცუდი პოლიტიკური კულტურის ნაწილია, იმიტომ, რომ ჩვენ ასე ვცხოვრობთ, კანონებში, დოკუმენტებში ერთი წერია, რეალობაში კი ხელისუფალს რაც უნდოდა იმას აკეთებს. ამიტომ ჩვენთვის პოლიტიკური დოკუმენები ეს არის ვიღაცის დასანახად, რაიმე საერთაშორისო ვალდებულების შესარულებლად ფორმალურად გამოსაცემი აქტი, დაწერილი ლაილაია, რომელშიც ქაღალდი ყველაფერს აიტანს და ა.შ.

შტატებში, ისევე როგორც სხვა ნორმალურ სახელწმიფოებში, იქ სადაც პოლიტიკოსსა და მოქალაქეს შორის უკუკვაშირი მექანიზმი მუშაობს, ასე არ არის. ასეთი დოკუმეტის უბრალო მოქალაქისთვისაც და ელიტებისთვისაც ნათელს ხდის ადმინისტრაციის სახელმწიფო პოლიტიკას ამა თუ იმ საკითხზე. ქვეყნის მმართველებს კი მერე, არჩევნების დროს, პოლიტიკური პასუხისგება უწევთ ასეთ დოკუმენტებში დაფიქსირებული პრინციპების თუ ნაბიჯების სისწორეზე და მათ აღსრულებაზე. ასე მუშაობს დემოკრატიული რესპუბლიკის სისტემები. მთავრობა ვალდებულია საზოგადოებისთვის საჯარო და ნათელი გახადოს მისი პოლიტიკური ნაბიჯები, შემდეგ კი პასუხი აგოს მის სისწორეზე. არაფერს ვამბობ, რომ ასეთ დოკუმენტებში დაფიქრებული შეზღუდვები და პრინციპები სავალდებულოა შესასრულებლად აშშ-ს ადმინისტრაციის ყველა რგოლისთვის .

ამ ბრძანებით აშშ-მ არამარტო კუბის დიქტატურის მოხრჩობა, არამედ ამერიკის კონტინენტზე ვენესულის შემდეგ მეორე ქვეყანაში, კუბაში, დაიწყო ავტორიტარული რეჟიმების მიერ ჩათესილი მეტასტაზების ამოკვეთა, იმ მეტასტაზებისა, რომლის მიზანია დასავლეთ ნახევარსფეროში ანტიდემოკრატიული იდეოლოგიების თუ რეჟიმების მხარდაჭერა და გავრცელება. ბუნებრივი ესაა მორიგი დარტყმა რუსეთის შესაძლებლობებისთვის, პრობელემები შეუქმნას დემოკრატიულ სამყაროს და იქ ქაოსი დანერგოს.