ჯუანშერ ბურჭულაძის საქმის ოქროს მოწმე მომდევნო პროცესზე დაიკითხება – ბიზნესმენი ზურაბ ტუკვაძე, რომელმაც ქვეყანა დატოვა, მოსამართლეს ჩვენებას, სავარაუდოდ, დისტანციურად მისცემს. სწორედ ტუკვაძეა ის პირი, რომელიც სუს-ს ჩვენება ჯუანშერ ბურჭულაძის წინააღმდეგ მისცა.
კერძოდ, ზურაბ ტუკვაძე სუს-ს ჩვენებაში უყვება, რომ მოგებული ტენდერების სანაცვლოდ იხდიდა ქრთამს და ფულს უგზავნიდა თავდაცის მინისტრის ჯუანშერ ბურჭულაძეს.
ბიზნესმენი ჩვენებაში ამბობს, რომ ეს კორუფციული სქემა ირაკლი ღარიბაშვილთან იყო შეთანხმებული.
საქალაქო სასამართლოში ცოტა ხნის წინ დაიკითხა თავდაცვის სამინისტროს თანამშრომელი, გენერალური შტაბის დაგეგმვის უფროსის მოადგილე გია მჭედლიშვილი, რომელსაც კითხვები ბრალდებულმა ყოფილმა მინისტრმა დაუსვმა.
ჯუანშერ ბურჭულაძე:
–დამოუკიდებლობის ხარისხი, ჩემი ჩარევის ხარისხი როგორი იყო ჩემს დროს, როდესაც მე ვიყავი კურატორი? თქვენ გახსოვთ შემთხვევა, რომ მე კატეგორიული ხელმძღვანელი ვიყავი და ვიძახდი, ეს კომპანია ჯობია, ამან უნდა გაიმარჯვოს, თუ იქ ობიექტურად წყდებოდა ყველაფერი?
მოწმე:
–ამ კომპანიამ გაიმარჯვოსო, იქ არავის არ უთქვამს.
ჯუანშერ ბურჭულაძე:
–თქვენ ასევე ბრძანეთ და მეც მახსენდება ასეთი შემთხვევები, რომ თუ რომელიმე მხარეს ან რომელიმე კომისიის წევრს ჰქონდა პრეტენზია, იმ შემთხვევაში ვიკრიბებოდით – ამ შემთვევაში განხილვები ობიექტურად მიმდინარეობდა, თუ რაიმე სახის ტენდეციურობას ჰქონდა ადგილი ვინმეს მიმართ?
მოწმე:
–არა.
ჯუანშერ ბურჭულაძე:
–თქვენთვის ვინმეს უთქვამთ, რომ ამ დოკუმენტს ხელი უნდა მოაწეროთ ,რადგან მინისტრის დავალებაა?
მოწმე:
–არასოდეს.
გამოძიების ინფორმაციით, ჯუანშერ ბურჭულაძის მოადგილემ, გიორგი ხაინდრავამ და თავდაცვის სამინისტროს შესყიდვების დეპარტამენტის იმდროინდელმა უფროსმა, ვლადიმერ ღუდუშაურმა ბურჭულაძის ცოლის ძმის, ვასილ მხეიძის დახმარებით, სამინისტროს მიერ სამხედრო ჰოსპიტლისთვის, მაგნიტურ-რეზონანსული ტომოგრაფის აპარატის შეძენის პროცესში მიზანმიმართული ქმედებებით არაკონკურენტული გარემო შექმნეს. უწყება ამბობს, რომ დაკავებულებმა საქართველოს თავდაცვის სამინისტროს კუთვნილი 1 333 728 ლარი გაფლანგეს.
კომენტარები