,,რა გავიგეთ პროკურატურის ბრიფინგიდან…” – ნინო ჯანგირაშვილი

ჟურნალისტი, ,,კავკასიის” დირექტორი ნინო ჯანგირაშვილი გრიგოლ ლილუაშვილის დაკავებაზე:

,,რა გავიგეთ პროკურატურის ბრიფინგიდან:

1. სუსის უფროსი ეკონომიკის მინისტრის მოადგილის დახმარებით ქრთამს იღებდა ინვესტორებისგან იმისთვის, რომ მისი პროექტის ლობირება მოეხდინა. ანუ, ეს მხოლოდ ლილუაშვილის კორუმპირებულობას კიარა, სისტემის ტოტალურ ხრწნას ადასტურებს.

2. სუსის უფროსი ისევ ეკონომიკის მინისტრის მოადგილის მეშვეობით ქრთამს იღებდა კომპანიისგან, რომ დახმარებოდა ტენდერში. ესეც სისტემის ტოტალურ ხრწნას ადასტურებს და არა მხოლოდ ლილუაშვილის კორუმპირებულობას.

3. სუსის უფროსი მფარველობდა თაღლითურ ქოლცენტრებს და სანაცვლოდ ქრთამს იღებდა. მიუხედავად იმისა, რომ ამ ქოლცენტრების არსებობის შესახებ დიდი ამბები იყო ატეხილი ქვეყნის შიგნით და ქვეყნის გარეთ, და ყველა გაჰყვიროდა, რომ ქვეყანაში თაღლითური ქოლცენტრები არსებობდა და მას ხელისუფლება მფარველობდა, ლილუაშვილი მაინც ახერხებდა მფარველობას და მილიონების კეთებას. კაციშვილი არ აღმოჩნდა ამის შემაკავებელი და გამაკონტროლებელი. ესეც სისტემის ტოტალურ ხრწნას ადასტურებს.

4. სუსის უფროსმა ინვესტორებისგან და ქოლცენტრებისგან მიღებული მილიონებიც არ იკმარა და საბავშვო ბაღის ბავშვებსაც მოპარა ფული – ქრთამი აიღო მისი მეგობრის მფარველობის სანაცვლოდ, რომელიც თბილისის მერიის საბავშვო ბაღების მართვის სააგენტოს დირექტორი იყო და ბაღების მიერ განხორციელებული შესყიდვების ხელშეკრულებების მიღების სანაცვლოდ ბიზნესებისგან ატკატებს იღებდა– ანუ ეს ფული ბავშვებს აკლდებოდათ, მათ კვებას, მათ მოვლას. თან ამ საქმეში თურმე ჩართული იყო ბაღების სააგენტოს თანამშრომლების დიდი ნაწილი. ბუნებრივია, მერიას არც შეუმჩნევია და არც გაუპროტესტებია, შესაბამისად, უნდა ვივარაუდოთ, რომ მერიაშიც მიდიოდა ნაწილი. ახლა წარმოვიდგინოთ, რა რჩებოდათ რეალურად ბავშვებს მათთვის გამოყოფილი ფულიდან ამ გახრწნილ სისტემაში.

და ვინმე ფიქრობთ, რომ ამ ტოტალური კორუფციისგან გახრწნილ სისტემაში სახელმწიფოს არსებობას რამე პერსპექტივა აქვს, 50–ივე აკაცუკი ხვალვე რომ ამოვწყდეთ და დიფსთეითმა სულაც ივანიშვილის ბიუსტების დამზადება დაიწყოს თბილისი–სენაკი–ლესელიძის მაგისტრალის გასწვრივ დასამწკრივებლად?“