იურისტი, გიორგი მშვენიერაძე, სოციალურ ქსელში, წერს:
მეგობრებო, როგორც უკვე იცით, ადამიანის უფლებათა ევროპული სასამართლოს დიდმა პალატამ საქართველოს ახალგაზრდა იურისტთა ასოციაცია-ის საჩივრის განხილვის შემდეგ გავრილოვის ღამის საქმეზე საბოლოო გადაწყვეტილება გამოაცხადა და ივანიშვილის ოცნების ხელისუფლება პირწმინდად “გაამტყუნა”.
ალბათ, ბევრ თქვენგანს გახსოვთ, მაშინ, როდესაც ადამიანის უფლებათა მასობრივ დარღვევებზე ვსაუბრობდით (ქართული არასამთავრობოები, კრიტიკული მედია, ოპოზიციური პარტიები), ივანიშვილის ძველი თუ ახალი ქოცები როგორ აცხადებდნენ, რომ სახელმწიფოს მიერ ადამიანების თვალის დათხრა იყო კანონიერი და სახელმწიფოს მოქმედება პროპორციული. ეს რომ ტყუილი იყო, დღეს კიდევ ერთხელ დადასტურდა ამ ისტორიული გადაწყვეტილებით.
მაგრამ, რა მინდა გთხოვოთ: ამ პოსტის ქვეშ, იქნებ ჩაყაროთ/დააკომენტაროთ ვიდეოები/განცხადებები, სადაც ბატონო კობახიძე, ბატონი მდინარაძე და სხვები, ამართლებენ გავრილოვის ღამეს პოლიციის ძალადობას. გავიხსენოთ და გავახსენოთ სხვებსაც, როგორ აყრიდნენ ხალხს თვალში ნაცარს.
სტრასბურგის სასამართლოს დიდმა პალატამ 20-21 ივნისის დარბევების შედეგად დაზარალებული 26 მოქალაქის საქმეზე გადაწყვეტილება გამოაცხადა. დადგენილების დოკუმენტის მიხედვით, 26-ვე მომჩივანმა სახელმწიფოს წინააღმდეგ დავა მოიგო. როგორც დოკუმენტში ვკითხულობთ, ე.წ. გავრილოვის ღამის საქმეზე სტრასბურგის სასამართლომ დაადგინა, რომ 26 მოქალაქის მიმართ დაირღვა წამების მუხლი ეფექტიანი გამოძიების ნაწილში. შესაბამისად, სახელმწიფოს დაზარალებულებისთვის 646 000 ევროს გადახდა დაეკისრა.
ამავე დასკვნის მიხედვით, სასამართლომ ერთხმად დაადგინა, რომ მომჩივნების წინააღმდეგ დაირღვა კონვენციის მე-10 და მე-11 მუხლები, რაც შეკრებისა და გამოხატვის თავისუფლებას გულისხმობს.
კომენტარები