მამა ილია თოლორაია მეუფე შიოს მიმართავს და სთხოვს, დეკანოზი ალექსანდრე გალდავა საპატრიარქოში დაიბაროს. ამის შესახებ ის სოციალურ ქსელში წერს.
სასულიერო პირი მიიჩნევს, რომ გალდავამ მას და არქიმანდრიტ შიოს შეურაცხყოფა მიაყენა, როდესაც ისინი მამა დოროთეს “ლეკვებად” და “ცხვირმოუხოცავებად” მოიხსენია.
მამა ილია თოლორაია მეუფე შიოს ეუბნება, რომ სამართლიანობა გამოიჩინოს და ნუ მფარველობს დეკანოზს, რომელიც სასულიერო პირებს შეურაცხჰყოფს.
დეკანოზი ალექსანდრე გალდავა არქიმანდრიტ შიოს და მე, არქიმანდრიტ ილიას, „დოროთეს ლეკვებად“ და „ცხვირმოუხოცავ არქიმანდრიტად“ მოგვიხსენიებს. არქიმანდრიტების ასეთი შეურაცხმყოფელი მოხსენიების გამო მივმართავ მოსაყდრე შიოს – დაიბაროს დეკანოზი ალექსანდრე გალდავა. ხოლო თუ არ დაიბარებს, მაშინ ეს ნიშნავს, რომ მოსაყდრე შიოც ეთანხმება და იზიარებს დეკანოზ ალექსანდრე გალდავას აზრს.
მეუფე შიო, პატრიარქს მოსაყდრედ მხოლოდ მამა დოროთეს და ჩემს დასასჯელად არ დაუნიშნიხართ. დეკანოზმა ანდრია ჯაღმაიძემ მამა დოროთეს „მოძალადე“ უწოდა, და მე თქვენს თვალწინ ხელით შემეხო, დეკანოზი ალექსანდრე გალდავა კი მამა შიოს და მე „დოროთეს ლეკვებს“ გვიწოდებს.
სად არის, მეუფე შიო, თქვენი მართლმკვეთელობა? სად არის მამობრივი მზრუნველობა ჩვენზე? რატომ მფარველობთ დეკანოზებს, რომლებიც ასე შეურაცხყოფენ არქიმანდრიტებს?
დეკანოზი ალექსანდრე გალდავა იმდენად გასცდა ზღვარს, რომ არა მხოლოდ პიროვნულად აყენებს შეურაცხყოფას მამა დოროთეს, არამედ მთლიანად მის გვარსაც შეურაცხყოფს და ამბობს: „ყურაშვილებო, ყრუებო…“
მეუფე შიო, ნუ იქნებით მიკერძოებული, იყავით სამართლიანი, – წერს მამა ილია.
დეკანოზი ალექსანდრე გალდავა ამბობს, რომ არქიმანდრიტ შიო კვარაცხელიას ბრალდებებს არ უპასუხებს, რადგან რეალური პრობლემა მამა დოროთეა. სასულიერო პირი მამა შიოს მამა დოროთეს “ლეკვად” და “ცხვირმოუხოცავ” არქიმანადრიტად მოიხსენიებს. მის შესახებ მან ” პირველებთან” ინტერვიუში ისაუბრა.
კომენტარები