საზოგადოებრივი მაუწყებლის სამეურვეო საბჭოს წევრი, ლიკა ბასილაია-შავგულიძე, რომელსაც ქართული ოცნების სასამართლომ 5-დღიანი პატიმრობა მიუსაჯა, რადგან შსს წვრილმან ხულიგნობასა და პოლიციელის შეურაცხყოფას ედავებოდა, სოციალურ ქსელში, წერს:
შხაპზე გვაძლევდნენ ზუსტად 10 წუთს. თუ გადააცილებდი, გიბრახუნებდნენ და გიყვიროდნენ გარედან, არადა შხაპის მოსახერხებელი ტრაექტორიის დადგენას უნდებოდი მინიმუმ 5 წუთს, რადგან ჭავლი იფრქვეოდა სულ სხვა მიმართულებით და ასველებდა ყველაფერს შენს გარდა ფეხსაცმელების ჩათვლით, რომელიც კაბინის გარეთ გედო, რომ ვკითხეთ, ევროსტანდარტებშია შხაპიო. ჰოო, შამპუნი ერთჯერადი – არაო, არც სტანდარტული, არც შემოტანა, არც გაცემა, საპნით დაიბანეთ თავიო, (საპონი რაცხა რუსული “ბრენდი”)მეთქი რატომ – პლასტმასის ნივთები არ შეიძლებაო და ერთჯერადი პაკეტში მეთქი?! ნუ არაო და მორჩა.
ერთხელ მოვითხოვეთ პასტა და ფურცელი. ვიღაც გაბედულმა ზედამხედველმა მოგვცა 3 თაბახი და პასტა, დილით მეორემ გამოძიება დაიწყო, თუ ვინ გაბედა და მოგვცა პასტა და ფურცლები!!!
კომენტარები